1 Samuel 24:11 - Marahay na Bareta Biblia

¹¹ Hilinga, sakong ama, hilinga an sadit na pedasong ini kan saimong gubing! Pwede taka kutanang gadanon, alagad iyo sana ining pedaso kan saimong gubing an tinabas ko. Katunayan ini na mayo akong isip na magrebelde laban saimo o magkasala. Pinaghahanap mo ako tanganing gadanon maski mayo ako nin naginibong maraot saimo.

1 Samuel 24:11 ပူးပေါင်းရင်းမြစ်များ

2 Samuel 1:14

Hinapot siya ni David, “Tano ta dai ka natakot na gumadan kan linahidan nin Kagurangnan?”

2 Mga Hade 5:13

Alagad nagrani saiya an mga sorogoon niya asin nagsabi, “Kagurangnan, kun pagbotan ka kan propeta na gumibo nin sarong dakulang bagay, dai mo daw gigibohon iyan? Kaya tadaw ta dai ka maghugas siring kan saiyang sinabi tanganing maomayan?”

An Libro ni Job 10:16

Kun ilangkaw ko an sakong sadiri hahanapon mo ako siring sa leon; minagibo ka pa nin mga milagro tanganing kulogan ako.

Salmo 119:161

Mayong dahelan na linalamag ako nin mga prinsipe, alagad ginagalangan ko an saimong mga tataramon.

Salmo 140:11

An paralibak dai logod mapamugtak sa daga; abotan logod nin karatan asin magadan an mga tulisan.

Salmo 35:7

Mayong dahelan na nagbugtak sinda nin siod para sako; mayong dahelan na nagkalot sinda sa pagdakop sako.

Salmo 59:3

Naghihipa sinda sa paggadan sako; mariringis na tawo nagtitiripon tumang sako. Maski dai man ako nin kasalan o karatan,

Salmo 7:5

tugoteng lamagon logod ako asin dakopon kan sakong mga kaiwal, timaktimakan an sakong hawak, asin hutadon sa alpog an sakong kalag!

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Mga Panambitan 4:18

Binantayan kami kan mga kaiwal, kaya dai kami nakalakaw sa samong mga tinampo; bilang na an samong mga aldaw, huli ta uminabot na an samong kataposan.

Ezekiel 13:18

asin sabihan mo sinda kan itinataram sainda kan Kagurangnan Dios: “Herak man saindo, mga babae! Minatahi kamo nin mga banda para sa takyag na may salamangka saka mga belo para sa payo nin lambang saro, tanganing magkaigwa sinda nin kapangyarihan sa buhay nin iba. Boot nindong makamtan an kapangyarihan sa buhay saka sa kagadanan kan sakong banwaan asin gamiton iyan para sa saindong karahayan.

Mikas 7:2

Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Juan 15:25

Nangyayari ini tanganing maotob an nasusurat sa saindang Katogonan, ‘Ikinaongis ako ninda na mayo nin anoman na dahelan.’

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”

1 Samuel 18:27

naglakaw si David asin an saiyang mga tawohan dangan ginaradan an duwang gatos na Filisteo. Dinara niya sa hade an mga kaputol na kublit kan mga kinabuhay ninda, asin duman binilang niya gabos sa atubangan kan hade tanganing magin manugang siya ni Saul. Itinao ni Saul an saiyang aking babae na si Mical bilang agom ni David.

1 Samuel 23:14

Nagtago si David sa kabubuldan, sa kalangtadan nin Zif. Padagos man si Saul sa paghingowa na makua siya, alagad dai siya itinao nin Dios ki Saul.

1 Samuel 23:23

Aramon nindo an mga lugar na pinagtatagoan niya, asin ibareta nindo tolos sako. Dangan maiba ako saindo, asin kun yaon pa siya duman, hahanapon ko siya sagkod na sakong madakop, maski liboton ko an bilog na daga nin Juda.”

1 Samuel 25:28

Patawadon mo ako kan ano man na kasalan na naginibo ko. Gigibohon kang hade nin Kagurangnan, asin an saimong mga kapagarakian, huli ta nakikilaban ka kan saiyang mga gera; mayong makukuang karatan saimo mantang buhay ka.

1 Samuel 26:18

Dangan nagpadagos siya, “Tano ta padagos mo akong linalamag? Ano an sakong ginibo? Anong krimen an naginibo ko?

1 Samuel 26:20

Hare pagtugotan na magadan ako sa dayuhan na daga, harayo sa atubangan nin Kagurangnan. Tano ta magdigdi an hade nin Israel sa paggadan nin sarong purgas na arog sako? Tano ta pinaglalamag niya ako na garo sarong lalaw na gamgam?”

1 Samuel 26:23

Binabalosan nin Kagurangnan idtong mga maimbod asin matanos. Itinao ka nin Kagurangnan sa sakong kamot ngunyan na aldaw, alagad dai ko ginadan an linahidan nin Kagurangnan.