1 Samuel 23:9 - Marahay na Bareta Biblia

⁹ Kan maaraman ni David na nagpaplanong salakayon siya ni Saul, sinabihan niya an pading si Abiatar, “Daraha digdi an efod.”

1 Samuel 23:9 ပူးပေါင်းရင်းမြစ်များ

1 Mga Hade 2:26

Sinabihan ni Hadeng Solomon an padi na si Abiatar, “Magpuli ka sa saimong daga sa Anatot. Maninigo kang magadan, alagad dai taka ipapagadan ngunyan huli ta namahala ka sa Kaban nin Tipan nin Kagurangnan sa panahon kan sakong ama na si David asin huli ta nagdanay ka saiya sa gabos niyang kasakitan.”

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Mga Gibo 14:6

Kan maaraman ini kan mga apostol, nagdulag sinda pasiring sa Listra asin Derbe, mga banwaan kan Licaonia, asin sa palibot na mga lugar.

Mga Gibo 9:24

Alagad naaraman ni Saulo an homa ninda. Aldaw-banggi nindang pinaghipaan siya sa mga trangkahan kan syudad tanganing gadanon.

1 Samuel 10:22

Kaya naghapot sinda sa Kagurangnan, “Igwa pa daw nin iba?” Nagsimbag an Kagurangnan, “Yaon duman si Saul, nagtatago sa likod kan mga kagamitan.”

1 Samuel 14:18

Sinabihan ni Saul an pading si Ahias, “Daraha digdi an Kaban nin Tipan.” (Kan panahon na idto, an Kaban nin Tipan nin Dios yaon sa kaibahan kan mga Israelita.)

1 Samuel 22:20

Alagad nakadulag si Abiatar, an saro kan mga aking lalaki ni Ahimelec, asin nagduman ki David.

1 Samuel 23:10

Dangan nagsabi si David, “Kagurangnan, Dios nin Israel, naaraman kong nag-iisip si Saul na magdigdi sa Keila tanganing raoton ini huli sako, na saimong sorogoon.

1 Samuel 23:6

Kan magdulag pasiring ki David si Abiatar na aking lalaki ni Ahimelec, dara niya an efod.

1 Samuel 23:8

Kaya inapod ni Saul an saiyang mga tawohan tanganing makigera laban sa Keila, asin tanganing palibotan si David saka an mga kairiba niya.

1 Samuel 30:7

Sinabihan ni David an padi na si Abiatar, na aking lalaki ni Ahimelec, “Daraha sako an efod.” Kaya dinara ni Abiatar saiya an efod.