1 Samuel 23:4 - Marahay na Bareta Biblia

⁴ Kaya hinapot giraray ni David an Kagurangnan. Nagsimbag an Kagurangnan, “Lakaw, asin magduman ka sa Keila, huli ta papangganahon taka laban sa mga Filisteo.”

1 Samuel 23:4 ပူးပေါင်းရင်းမြစ်များ

2 Samuel 2:1

Pakatapos kaini, naghapot si David sa Kagurangnan, “Dapat daw na magtukad ako pasiring sa arin man kan mga banwa nin Juda?” Nagsimbag an Kagurangnan, “Magtukad ka.” Naghapot si David, “Arin na banwa?” “Sa Hebron,” an simbag nin Kagurangnan.

2 Samuel 5:19

Hinapot ni David an Kagurangnan, “Boot mong salakayon ko an mga Filisteo? Papangganahon mo daw ako?” Nagsimbag an Kagurangnan ki David, “Salakayon mo! Papangganahon taka!”

2 Mga Hade 3:18

Nagpadagos si Eliseo, “Madali sana ining gibohon nin Kagurangnan; tatawan pa niya kamo nin kapangganahan laban sa mga Moabita.

1 Mga Cronica 14:10

Hinapot ni David an Dios, “Boot mong salakayon ko an mga Filisteo? Papangganahon mo daw ako?” Nagsimbag an Kagurangnan, “Salakayon mo; papangganahon taka.”

Josue 8:7

Dangan maluwas kamo sa saindong pinagtatagoan asin sasakopon nindo an syudad. Itatao iyan saindo nin Kagurangnan na saindong Dios.

Hukom 6:39

Dangan nagsabi si Gideon sa Dios, “Dai ka maanggot sako; tugotan mo akong maghagad pa nin tanda sa paagi kaining barahibo. Gibohang magin mamara ini asin an daga an magin dumog sa ambon.”

Hukom 7:7

Nagtaram an Kagurangnan ki Gideon, “Ililigtas ko kamo asin itatao ko saimo an kapangganahan laban sa mga Midianita sa tabang kan tres syentos na kalalakihan na nagsaldok kan tubig dangan nag-inom sa saindang kamot; papulion mo na an iba.”

Hukom 7:9

Kan bangging idto, pinagbotan nin Kagurangnan si Gideon, “Bumangon ka asin salakayon mo an kampo kan mga Midianita; itinatao ko saimo an kapangganahan.

1 Samuel 10:22

Kaya naghapot sinda sa Kagurangnan, “Igwa pa daw nin iba?” Nagsimbag an Kagurangnan, “Yaon duman si Saul, nagtatago sa likod kan mga kagamitan.”

1 Samuel 23:2

Kaya hinapot ni David an Kagurangnan, “Dapat daw na magduman ako asin salakayon an mga Filisteo?” “Lakaw,” an simbag nin Kagurangnan. “Salakayon mo sinda asin ligtasan an Keila.”

1 Samuel 23:3

Alagad sinabihan si David kan saiyang mga tawohan, “Tarakot na ngani kita digdi sa Juda, gurano pa daw kun magduman kita sa Keila tanganing salakayon an mga hukbo kan mga Filisteo?”

1 Samuel 23:5

Kaya nagduman sa Keila si David asin an saiyang mga tawohan dangan sinalakay an mga Filisteo; ginaradan ninda an kadaklan sainda asin sinamsam an saindang mga hayop. Siring kaiyan an ginibong pagligtas ni David sa mga nag-eerok sa Keila.

1 Samuel 28:6

kaya naghapot sa Kagurangnan kun ano an dapat niyang gibohon. Alagad dai siya sinimbag nin Kagurangnan, maski sa paagi nin pangatorogan o sa Urim saka Tummim o sa mga propeta.

1 Samuel 30:8

Hinapot ni David an Kagurangnan, “Marahay daw na lamagon ko an mga parasalakay na idto? Maabotan ko pa daw sinda?” Nagsimbag an Kagurangnan, “Lamagon mo sinda; aabotan mo sinda asin mababawe an mga bihag.”