1 Samuel 23:26 - Marahay na Bareta Biblia

²⁶ Sa ibong kan bulod nag-agi si Saul asin an saiyang mga tawohan mantang si David asin an saiyang mga kairiba sa ibong man nag-agi; nasa tahaw ninda an bulod. Naghihidale si David asin an saiyang mga kairiba na makarayo ki Saul saka sa mga tawohan niya, na naghaharani sainda. Haros madadakop na si David asin an saiyang mga kairiba.

1 Samuel 23:26 ပူးပေါင်းရင်းမြစ်များ

2 Samuel 15:14

Kaya sinabihan ni David an gabos niyang opisyal na kaiba niya sa Jerusalem, “Kaipuhan makahale tolos kita kun boot tang makadulag ki Absalom! Magmadali kamo ta tibaad maabotan niya kita saka madaog dangan garadanon an gabos na nasa syudad!”

2 Mga Cronica 20:12

Ika an samuyang Dios! Padusahan mo sinda, huli ta mayo kami nin kosog na atubangon an dakulang hukbo na ini na nagsasalakay samo. Dai mi aram kun ano an samong gigibohon, alagad minalaom kami na tatabangan mo kami.”

Salmo 17:11

Ako ngunyan saindang napapalibotan, yaon sinda saen man ako mag-atubang; naghahalat kan tamang panahon nganing ako magadan.

Salmo 17:9

sa kamot kan mga kaiwal ako agawa. Ako napapalibotan kan makangirhat na kalaban;

Salmo 22:12

Garo mga toro, an mga kaiwal nakapalibot sako; garo makokosog na toro nin Basan nakapalibot sinda sako.

Salmo 22:16

Pinalibotan ako nin mga tampalasan, garo mga ayam ako saindang pinalibotan; linabot ninda an sakong mga kamot saka bitis.

Salmo 31:22

Nagsaboot ako sa kahandalan, “Napapaharayo ako sa saiyang atubang.” Alagad dinangog niya an sakong inagrangay, kan ako maghagad saiya nin tabang.

2 Corinto 1:8

Mga tugang, boot ming ipagiromdom saindo an kasakitan na tinios mi duman sa Asia. Magabat na gayo an mga pasakit na inagihan mi, kaya mayo na kami nin paglaom na mabuhay pa.

Kapahayagan 20:9

Naglakop sinda sa kadagaan dangan pinalibotan ninda an kampo kan mga banal, asin an syudad na namomotan nin Dios. Alagad may kalayong nagdatong hale sa langit na tuminunaw sainda.

Hukom 16:2

Naaraman kan mga taga Gaza na yaon duman si Samson, kaya pinalibotan ninda an lugar asin hinalat siya sa may trangkahan kan syudad sa bilog na banggi. Dai sana sinda naggirong kan bangging idto asin nagsaboot, “Mahalat kita digdi sagkod na magsirang an aldaw; dangan ta siya gadanon.”

1 Samuel 19:12

Kaya pinaagi ni Mical si David sa bintana; nagdalagan si David asin nagdulag.

1 Samuel 20:38

Maghidali ka! Dai ka mag-ontok diyan!” Kinua kan hoben an bosog dangan nagbalik sa saiyang kagurangnan;

1 Samuel 23:25

Naglakaw si Saul asin an saiyang mga tawohan tanganing hanapon si David, alagad naaraman ini ni David, kaya nagduman siya sa magapong bulod sa kalangtadan nin Maon asin duman nag-ontok. Kan mabaretaan ini ni Saul, linamag niya duman si David.

1 Samuel 23:27

Dangan nag-abot an sarong sugo na nagsabi ki Saul, “Magbalik ka tolos huli ta sinalakay kan mga Filisteo an daga!”