1 Samuel 23:25 - Marahay na Bareta Biblia

²⁵ Naglakaw si Saul asin an saiyang mga tawohan tanganing hanapon si David, alagad naaraman ini ni David, kaya nagduman siya sa magapong bulod sa kalangtadan nin Maon asin duman nag-ontok. Kan mabaretaan ini ni Saul, linamag niya duman si David.

1 Samuel 23:25 ပူးပေါင်းရင်းမြစ်များ

2 Samuel 22:2

An Kagurangnan iyo an sakong parasurog; siya an sakong pailihan, sakong paratubos.

Hukom 15:8

Dangan sinalakay niya asin ginaradan an kadaklan sainda. Pakatapos, naghale siya asin nag-erok sa sarong lungib sa ampas nin Etam.

1 Samuel 23:24

Kaya naghale sinda asin naenot ki Saul na magbalik sa Zif. Si David asin an saiyang mga tawohan yaon duman sa kalangtadan nin Maon, sa habagat na parte kan kalangtadan nin Judea.

1 Samuel 23:26

Sa ibong kan bulod nag-agi si Saul asin an saiyang mga tawohan mantang si David asin an saiyang mga kairiba sa ibong man nag-agi; nasa tahaw ninda an bulod. Naghihidale si David asin an saiyang mga kairiba na makarayo ki Saul saka sa mga tawohan niya, na naghaharani sainda. Haros madadakop na si David asin an saiyang mga kairiba.

1 Samuel 23:28

Kaya dai ipinadagos ni Saul an paglamag ki David asin nagbalik siya tanganing labanan an mga Filisteo. Iyo ini an dahelan kun tano ta an lugar na idto nginaranan na Gapo nin Pagdulag.