1 Samuel 23:21 - Marahay na Bareta Biblia

²¹ Nagsimbag si Saul, “Bendisyonan logod kamo nin Kagurangnan huli ta naherak kamo sako!

1 Samuel 23:21 ပူးပေါင်းရင်းမြစ်များ

Genesis 20:13

Kaya kan pahaleon ako nin Dios sa harong kan sakong ama, sinabihan ko siyang, ‘Saen man kita makaabot ikakapahiling mo an saimong pagkamaimbod sako sa pagsabi sa kiisay man na tugang mo ako.’”

2 Samuel 2:5

nagpadara siya nin mga lalaki duman tanganing magsabi, “Bendisyonan logod kamo nin Kagurangnan huli kan pagpahiling nindo kan saindong kaimbodan sa saindong hade sa paglubong saiya.

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Hukom 17:2

Sinabihan niya an saiyang ina, “Kan habonon saimo an mil syen na pedasong plata, nadangog takang minaldisyon mo an naghabon. Uya an kwarta; ako an kuminua kaya ipinupuli ko na saimo.” Dangan itinao niya an kwarta sa saiyang ina. Nagsabi an saiyang ina, “Bendisyonan ka logod nin Kagurangnan, aki ko! Alagad tanganing dai mapasaimo an maldisyon, idinodolot ko sa Kagurangnan ining plata. Gagamiton ini sa paggibo nin sarong dios-dios na gibo sa kahoy asin napapatos nin plata. Kaya itatao ko giraray saimo an kwarta.”

1 Samuel 15:13

Dinuman ni Samuel si Saul na nagsabi saiya, “Bendisyonan ka logod nin Kagurangnan, Samuel! Kinuyog ko an kabotan nin Kagurangnan.”

1 Samuel 22:8

Bakong iyo iyan an dahelan kun tano ta nag-iisip kamong labanan ako? Mayo nin saro man saindo na nagsumbong sako na an sadiri kong aking lalaki nakipagtipan ki David. Mayo nin saro man saindo na nagmamakulog sako o nagsasabi na sa mga oras na ini, si David na saro kan sakong mga tawohan, naghahalat kan tamang panahon tanganing gadanon ako, asin an sadiri kong aki iyo pa an nagdagka saiya!”

1 Samuel 23:22

Magbalik kamo asin aramon nanggad nindo kun haen siya ngunyan asin kun siisay an nakahiling saiya duman. Nadangog kong tuso siyang marahay.