1 Samuel 22:23 - Marahay na Bareta Biblia

²³ Umiba ka sako asin dai ka matakot; huli ta an boot maggadan sako iyo man sana an boot maggadan saimo, alagad sa kaibahan ko, magigin ligtas ka.”

1 Samuel 22:23 ပူးပေါင်းရင်းမြစ်များ

2 Samuel 9:7

Sinabihan siya ni David, “Dai ka matakot; huli ta maheherakan taka huli ki Jonatan na saimong ama. Ibabalik ko saimo an gabos na daga na dating sadiri kan saimong lolo na si Saul, asin digdi ka magkakakan sa sakong lamesa.”

1 Mga Hade 1:7

Kinaolay ni Adonias si Joab, na an ina iyo si Zeruias, asin an padi na si Abiatar; nanuga sinda na tatabangan siya.

1 Mga Hade 2:26

Sinabihan ni Hadeng Solomon an padi na si Abiatar, “Magpuli ka sa saimong daga sa Anatot. Maninigo kang magadan, alagad dai taka ipapagadan ngunyan huli ta namahala ka sa Kaban nin Tipan nin Kagurangnan sa panahon kan sakong ama na si David asin huli ta nagdanay ka saiya sa gabos niyang kasakitan.”

Mateo 24:9

“Dangan dadakopon kamo, papadusahan asin ipapagadan. An gabos na tawo maoongis saindo huli sako.

Juan 15:20

Giromdoma an itinaram ko saindo: ‘Mayong oripon na mas dakula pa ki sa saiyang kagurangnan.’ Kun pinasakitan ninda ako, papasakitan man ninda kamo; kun kinuyog ninda an sakong mga katukdoan, kukuyogon man ninda an mga katukdoan nindo.

Juan 17:12

Kan ako kaiba pa ninda, ilinikay ko sinda huli sa kapangyarihan kan ngaran mo, an ngaran na itinao mo sako. Binantayan ko sinda asin mayo sainda nin nawara, pwera kan saro na talagang mawawara, tanganing maotob an kasuratan.

Juan 18:9

Sinabi niya ini tanganing maotob an saiyang itinaram, “Ama, mayong nawara maski saro sa mga itinao mo sako.”)

1 Samuel 23:17

Nagsabi si Jonatan, “Dai ka matakot huli ta dai ka madadakop kan ama kong si Saul. Naaraman niyang ika an magigin hade nin Israel asin ako an sunod saimo.”