1 Samuel 22:2 - Marahay na Bareta Biblia

² Nagduman man ki David an mga tawong inapi, an mga may utang asin an mga bakong kontento sa buhay, haros apat na gatos gabos, asin si David an saindang nagin pamayo.

1 Samuel 22:2 ပူးပေါင်းရင်းမြစ်များ

2 Samuel 17:8

Ika an nakakaaram na an saimong ama asin an saiyang mga tawohan mga maiisog na lalaki; siring sinda kaisog sa sarong ina nin mga oso na hinabonan nin saiyang mga ogbon duman sa oma. Paralaban an saimong ama asin dai nakikisumaro sa saiyang mga tawohan pagkabanggi.

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

2 Mga Hade 20:5

“Magbalik ka ki Ezekias, na kagsakop kan sakong banwaan asin sabihan mo siya, ‘Ako, an Kagurangnan, an Dios kan saimong ginikanan na si David. Nadangog ko an saimong pamibi asin nahiling an saimong mga luha. Bobolongon taka, dangan sa ikatolong aldaw maduman ka sa Templo.

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

Mga Talinhaga 31:6

Itao mo an arak sa mga naghihingagdan asin sa mga nasasakitan.

Mateo 11:12

Poon na maghulit si Juan sagkod ngunyan, an Kahadean nin langit nagtitios nin kadahasan; hinihingowa ining laglagon kan mga madahas;

Mateo 11:28

“Madya kamo sako, kamo gabos na napapagal asin nagagabatan, ta tatawan ko kamo nin kapahingaloan.

Hebreyo 2:10

Maninigo na an Dios, na para saiya asin huli saiya an gabos nagkakaigwa nin buhay, iyo man an magpabanal ki Jesus sa paagi nin pasakit, tanganing madara niya an dakul na tawo sa kamurawayan. Huli ta si Jesus an nangengenot sainda pasiring sa kaligtasan.

Hukom 11:3

Nagdulag si Jefta sa saiyang mga tugang asin nag-erok sa daga nin Tob. Duman, nakipagsaro saiya an grupo nin mayong halagang mga tawo asin nag-iriba sinda saiya.

Hukom 18:25

Sinabihan siya kan kalalakihan ni Dan, “Mas marahay pang mag-ontok ka tanganing dai maanggot saimo an mga lalaking ini. Tibaad magadan ka asin an saimong pamilya.”

1 Samuel 22:3

Hale duman, nagpasiring si David sa Mizpa nin Moab asin sinabihan an hade nin Moab, “Tugoteng magdigdi an sakong ama saka ina asin digdi ngona mag-erok sa kaibahan mo, sagkod na maaraman ko kun ano an gigibohon nin Dios para sako.”

1 Samuel 23:13

Kaya hidaling naghale sa Keila si David asin an saiyang mga tawohan—mga anom na gatos gabos—asin dai na sinda nag-ontok sa paglakaw. Kan maaraman ni Saul na nakadulag si David hale sa Keila, dai na niya ipinadagos an pagsalakay.

1 Samuel 25:13

Pinagbotan ni David an saiyang mga tawohan, “Hagkosan nindo an saindong mga espada!” Nagsurunod sinda gabos. Ihinagkos man ni David an saiyang espada dangan naghale kaiba an apat na gatos kan saiyang mga tawohan; iwinalat niya an duwang gatos tanganing magbantay kan mga gamit.

1 Samuel 30:6

Dakula an kahaditan ni David huli ta pinag-iisipan siyang gapoon kan saiyang mga tawohan huli kan pagkabihag kan saindang mga aki. Alagad pinakosog ni David an saiyang sadiri sa Kagurangnan na saiyang Dios.

1 Samuel 9:16

“Sa aga, sa siring kaining oras, ipapadara ko saimo an sarong lalaki na gikan sa tribu ni Benjamin; lahidan mo siya bilang hade kan sakong banwaan na Israel. Siya an maligtas sainda sa mga Filisteo, huli ta nahiling ko an pagtios kan sakong banwaan asin nadangog ko an saindang inagrangay.”