1 Samuel 22:14 - Marahay na Bareta Biblia

¹⁴ Nagsimbag si Ahimelec, “Bakong si David an pinakamaimbod mong opisyal, an saimong manugang, pamayo kan saimong bantay, asin iginagalang kan gabos na yaon sa laog kan saimong harong?

1 Samuel 22:14 ပူးပေါင်းရင်းမြစ်များ

1 Samuel 17:25

Nagsarabi an mga Israelita, “Hilinga siya! Dangoga an saiyang pag-angat! Nangako si Hadeng Saul na tatawan nin dakulang premyo an siisay man na makagadan ki Goliat; itatao man kan hade sa makagadan an saiyang aking babae tanganing magin agom, asin dai na papabayadon nin buhis an saiyang pamilya.”

1 Samuel 18:13

Kaya pinahale niya si David; dangan ginibo niyang pamayo nin sangribong soldados. Pinangenotan ni David an saiyang mga tawohan sa gera

1 Samuel 18:27

naglakaw si David asin an saiyang mga tawohan dangan ginaradan an duwang gatos na Filisteo. Dinara niya sa hade an mga kaputol na kublit kan mga kinabuhay ninda, asin duman binilang niya gabos sa atubangan kan hade tanganing magin manugang siya ni Saul. Itinao ni Saul an saiyang aking babae na si Mical bilang agom ni David.

1 Samuel 20:32

“Tano ta kaipuhan siyang magadan?” an simbag ni Jonatan. “Ano an ginibo niya?”

1 Samuel 21:2

“Nagdigdi ako huli ta sinugo ako kan hade,” an simbag ni David. “Sinabihan niya akong dai dapat ipaaram sa kiisay man an ipinapagibo niya sako. Manongod sa sakong mga tawohan, sinabihan ko sindang sabaton ako sa sarong lugar.

1 Samuel 22:13

Hinapot siya ni Saul, “Tano ta nag-iisip kamo ni David laban sako? Tano ta tinawan mo siya nin pagkakan asin espada, saka hinapot mo pa an Dios para saiya? Nagrerebelde siya sako asin naghahalat kan tamang panahon tanganing gadanon ako!”

1 Samuel 24:11

Hilinga, sakong ama, hilinga an sadit na pedasong ini kan saimong gubing! Pwede taka kutanang gadanon, alagad iyo sana ining pedaso kan saimong gubing an tinabas ko. Katunayan ini na mayo akong isip na magrebelde laban saimo o magkasala. Pinaghahanap mo ako tanganing gadanon maski mayo ako nin naginibong maraot saimo.

1 Samuel 25:28

Patawadon mo ako kan ano man na kasalan na naginibo ko. Gigibohon kang hade nin Kagurangnan, asin an saimong mga kapagarakian, huli ta nakikilaban ka kan saiyang mga gera; mayong makukuang karatan saimo mantang buhay ka.

1 Samuel 26:23

Binabalosan nin Kagurangnan idtong mga maimbod asin matanos. Itinao ka nin Kagurangnan sa sakong kamot ngunyan na aldaw, alagad dai ko ginadan an linahidan nin Kagurangnan.