1 Samuel 21:4 - Marahay na Bareta Biblia

⁴ Nagsimbag an padi, “Mayo akong ordinaryong tinapay; igwa digdi nin banal na tinapay. Mapapasaindo iyan kun dai nagdorog sa babae an saimong mga tawohan.”

1 Samuel 21:4 ပူးပေါင်းရင်းမြစ်များ

Exodo 19:15

Sinabihan sinda ni Moises, “Magin andam kamo sa ikatolong aldaw; mayo ngona nin magdorog.”

Exodo 25:30

Ibugtak nindo an lamesa sa atubangan kan Kaban nin Tipan, asin sa ibabaw kan lamesa, danay nindong bugtakan nin dolot na tinapay.

Levitico 15:18

Pakatapos na magdorog an sarong lalaki asin an sarong babae, kaipuhan na magkarigos sindang duwa, asin sinda magigin maati sagkod magbanggi.

Zacarias 7:3

saka maghapot sa mga padi asin sa mga propeta: “Dapat daw na ipadagos mi an pagmondo huli kan pagkagaba kan Templo, sa paagi nin pag-ayuno sa ikalimang bulan siring kan samong ginigibo sa laog nin haloy nang panahon?”

1 Corinto 7:5

Dai nindo ipagsayuma an saindong hawak sa saindong agom, pwera sana kun nagkaoyon kamong duwa na dai ngona magdorog sa halipot na panahon, tanganing gamiton nindo an panahon na iyan sa pagpamibi. Pakatapos, ibalik nindo giraray an normal na relasyon bilang mag-agom, ta tibaad sogotan kamo ni Satanas huli sa dai nindo pakapugol sa sadiri.

1 Samuel 21:3

Ngunyan, ano an yaon digdi? Tawe ako nin limang pedasong tinapay o kun ano man an yaon.”

1 Samuel 21:6

Kaya itinao kan padi an banal na tinapay ki David huli ta iyo man sana idto an tinapay duman—an mga idinolot sa Dios, na hinale sa banal na lamesa asin rinibayan nin bagong tinapay. (