1 Samuel 21:2 - Marahay na Bareta Biblia

² “Nagdigdi ako huli ta sinugo ako kan hade,” an simbag ni David. “Sinabihan niya akong dai dapat ipaaram sa kiisay man an ipinapagibo niya sako. Manongod sa sakong mga tawohan, sinabihan ko sindang sabaton ako sa sarong lugar.

1 Samuel 21:2 ပူးပေါင်းရင်းမြစ်များ

Genesis 27:20

Alagad naghapot si Isaac, “Tano ta madalion ka sana, aki ko?” “Huli ta tinabangan ako nin Kagurangnan na saimong Dios,” an simbag ni Jacob.

Genesis 27:24

alagad naghapot giraray ini, “Ika mananggad an aki kong si Esau?” “Ako mananggad,” an simbag ni Jacob.

1 Mga Hade 13:18

Dangan nagsabi saiya an gurang na propeta, “Propeta man akong arog saimo, asin sinabihan ako nin sarong anghel huli sa pagboot nin Kagurangnan na ipag-iba taka sa sakong harong tanganing pakakanon asin painomon.” Alagad nagpuputik an gurang na propeta.

Nehemias 11:32

sa Anatot, Nob, Ananias,

Salmo 119:29

Likayan ako sa salang dalan, asin sa saimong pagkamaugayon tukdoe ako kan saimong katogonan.

Salmo 141:3

Kagurangnan, bugtakan mo nin bantay an sakuyang ngoso; bantayan mo an pintoan nin sakuyang ngabil.

Isaias 10:32

Ngunyan na aldaw, yaon na sa banwaan nin Nob an mga kaiwal, asin ibinibikyaw ninda duman an saindang gugom na mga kamot laban sa Bukid nin Sion, sa syudad nin Jerusalem.

Galacia 2:12

Bago nag-abot duman an nagkapirang tawo na sinugo ni Santiago, nagkakakan si Pedro kaiba kan mga pagano, alagad pag-abot ninda, suminiblag siya sa mga pagano, huli ta natakot siya sa mga tawong boot serkomsisyonon an mga pagano.

Colosas 3:9

Dai kamo magputik sa lambang saro, huli ta hinuba nindo an daan na pagkatawo kaiba an mga maraot na ugale kaiyan,

1 Samuel 19:17

Hinapot ni Saul si Mical, “Tadaw ta dinaya mo ako sa paaging ini, asin pinabayaan na makadulag an sakong kaiwal?” Nagsimbag si Mical, “Nagsabi siya na gagadanon niya ako kun dai ko siya tabangan na makadulag.”

1 Samuel 21:3

Ngunyan, ano an yaon digdi? Tawe ako nin limang pedasong tinapay o kun ano man an yaon.”

1 Samuel 22:22

Nagsabi si David, “Kan mahiling ko si Doeg kan aldaw na idto duman sa Nob, aram kong masumbong siya ki Saul. Kaya ako an dahelan kan pagkagadan kan gabos mong kadugo.

1 Samuel 22:9

Nagsimbag si Doeg na Edomita, na nagtitindog kaiba kan mga opisyal ni Saul, “Nahiling ko si David kan magduman siya sa Nob, ki Ahimelec na aking lalaki ni Ahitub.