1 Samuel 21:12 - Marahay na Bareta Biblia

¹² Rinimpos ni David sa saiyang puso an mga tataramon na ini, asin natakot siya nin marahay ki Akis, na hade nin Gat.

1 Samuel 21:12 ပူးပေါင်းရင်းမြစ်များ

Genesis 26:7

Kan hapoton siya kan kalalakihan duman manongod sa saiyang agom, nagsimbag siya na tugang niya ini. Dai niya inako na agom ini, huli ta takot siyang gadanon kan mga lalaki duman tanganing makua sana si Rebecca na magayon nin marahay.

Salmo 119:11

Rinirimpos ko sa sakong puso an saimong tataramon, tanganing dai ako magkasala tumang saimo.

Salmo 34:4

Namibi ako sa Kagurangnan, asin sinimbag niya ako; ilinigtas niya ako sa gabos kong katakotan.

Salmo 56:3

Kun ako natatakot, Kagurangnan, ika an sakuyang sinasarigan.

Lukas 2:19

Ini gabos rinimpos ni Maria sa saiyang puso asin pinaghorop-horop.

Lukas 2:51

Uminiba sainda si Jesus sa Nazaret asin nagin makinuyog-kuyog siya sainda. An gabos na ini rinimpos kan saiyang ina sa puso niya.

1 Samuel 18:7

Sa saindang kaogmahan, nag-arawit an kababaehan, “Nakagadan si Saul nin rinibo, alagad nakagadan si David nin manampolong ribo.”

1 Samuel 21:10

Kaya naghale si David sa pagdulag ki Saul; nagduman siya ki Akis na hade nin Gat.

1 Samuel 21:13

Kaya binago niya an saiyang hiro sa atubangan ninda; nagsagin-sagin siyang bua kun pinupugol siya ninda. Nagsusurat siya nin kun ano-ano sa trangkahan kan syudad asin pinabayaan niyang magbulos an saiyang laway sa saiyang barabas.