1 Samuel 21:1 - Marahay na Bareta Biblia

¹ Nagduman si David sa Nob, sa pading si Ahimelec. Nagtatakig na nagluwas si Ahimelec sa pagsabat ki David asin naghapot, “Tano ta solo ka sanang nagdigdi?”

1 Samuel 21:1 ပူးပေါင်းရင်းမြစ်များ

Nehemias 11:32

sa Anatot, Nob, Ananias,

Isaias 10:32

Ngunyan na aldaw, yaon na sa banwaan nin Nob an mga kaiwal, asin ibinibikyaw ninda duman an saindang gugom na mga kamot laban sa Bukid nin Sion, sa syudad nin Jerusalem.

Markos 2:26

Naglaog siya sa harong nin Dios dangan kinakan an tinapay na idinolot na sa Dios; tinawan pa niya an mga kairiba niya. Maski ngani an sabi sa Katogonan mga padi sana an pwedeng magkakan kan tinapay na idto. Nangyari idto kan si Abiatar an Halangkaw na Padi.”

1 Samuel 14:3

(An pading nagsusulot kan efod iyo si Ahias, na aking lalaki ni Ahitub na tugang ni Ikabod, na aki ni Finehas asin makoapo ni Eli, na padi nin Kagurangnan sa Shilo.) Dai naaraman kan saindang pag-iriba na naghale si Jonatan.

1 Samuel 16:4

Kinuyog ni Samuel an ipinagboot saiya nin Kagurangnan; nagduman siya sa Betlehem. Nagtatarakig na nagsabat saiya an kamagurangan kan syudad, asin nagharapot, “Nagdigdi ka daw sa katoninongan?”

1 Samuel 23:18

Dangan naggibo sindang duwa nin tipan sa atubangan nin Kagurangnan. Pakatapos, nagpuli sa saiyang harong si Jonatan, alagad nagpawalat si David sa Hores.