1 Samuel 20:5 - Marahay na Bareta Biblia

⁵ Nagsimbag si David, “Pyesta kan Gimata nin Bulan sa aga asin dapat kaiba ako kan hade sa pagkakan. Alagad kun itutugot mo, malakaw ako asin matago sa kaomahan sagkod na magbanggi kan ikatolong aldaw.

1 Samuel 20:5 ပူးပေါင်းရင်းမြစ်များ

2 Mga Hade 4:23

“Tadaw ta kaipuhan magduman ka ngunyan?” an hapot kan saiyang agom. “Bako man Sabbath o Pyesta kan Bagong Bulan.” “Bayae sana,” an simbag kan babae.

Salmo 55:12

Matitios ko kuta kun ini gibo nin sarong kaiwal; kun karibal ko an naghahambog sako, siya matatagoan ko.

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Mga Talinhaga 22:3

Nahihiling kan madonong an nagdadangadang na pag-alaman, asin minaingat siya; alagad dai iyan naririparo kan mangmang kaya nahuhulog siya sa kapahamakan.

Amos 8:5

Nagsasaboot kamo, “Dai mi na mahahalat na matapos pa an mga banal na aldaw tanganing ipabakal an samong trigo. Nuarin kaya matatapos an Sabbath tanganing makatinda na kami? Dangan, lalangkawan mi an presyo kan samong paninda, magamit kami nin may dayang sukol saka dadayaon mi sa timbang an mga parabakal.

Mga Bilang 10:10

Siring man sa aldaw nin kaogmahan, sa itinalaan na mga pyesta asin sa enot na aldaw kan lambang bulan, papatanogon nindo an mga trompeta kun idodolot na nindo an saindong mga tinutong na atang asin an saindong dolot para sa katoninongan. Dangan tatabangan ko kamo. Ako an Kagurangnan na saindong Dios.”

Mga Bilang 28:11

Sa pagpoon kan lambang bulan, magdolot kamo sa Kagurangnan nin tinutong na atang: duwang torilyong baka, sarong lalaking karnero, pitong lalaking kordero na manangtaon an edad, na gabos mayo nin ano man na kaninan.

Juan 8:59

Kaya nagpurot sinda nin mga gapo na igagapo saiya, alagad nagtago si Jesus saka luminuwas sa Templo.

Mga Gibo 17:14

Pinahale tolos si Pablo kan mga tugang saka pinaduman sa dagat; alagad nagpawalat sa Berea si Silas saka si Timoteo.

Colosas 2:16

Kaya dai nindo pagtugotan an siisay man na hukoman kamo dapit sa saindong kinakakan o iniinom, o dapit sa mga pyesta, o pagselebrar kan bagong bulan, o kan Sabbath.

1 Samuel 19:2

kaya sinabihan niya ini, “Boot kang gadanon kan sakong ama, kaya maglikay ka sa aga; magduman ka sa sarong tagong lugar.

1 Samuel 20:18

Dangan sinabihan niya si David, “Pyesta kan Gimata nin Bulan sa aga; hahanapon ka huli ta mayo ka sa tukawan mo.

1 Samuel 20:19

Sa ikatolong aldaw, orog na hahanapon ka; kaya magduman ka sa lugar na pinagtagoan mo kaidto asin magtago ka sa likod kan tambak nin mga gapo.

1 Samuel 20:24

Kaya nagtago si David sa kaomahan; pag-abot kan Pyesta kan Gimata nin Bulan, nag-abot si Hadeng Saul tanganing magkakan

1 Samuel 20:27

Sunod na aldaw pakatapos kan Pyesta kan Gimata nin Bulan, bakante man giraray an tukawan ni David, kaya hinapot ni Saul si Jonatan, “Tadaw ta magpoon kasuhapon dai nagdolok sa pagkakan si David?”

1 Samuel 20:4

Nagsabi si Jonatan, “Gigibohon ko an ano man na boot mo.”

1 Samuel 20:6

Kun hanapon ako kan saimong ama, sabihan mo siyang nakimaherak ako saimong tugotan na makapuli sa Betlehem, huli ta igwa duman nin taonan na sakripisyo para sa sakong pamilya.