1 Samuel 20:31 - Marahay na Bareta Biblia

³¹ Dai mo aram na mantang buhay si David, dai ka nanggad magigin hade sa dagang ini? Kaya lakaw asin darahon mo siya sako, huli ta kaipuhan magadan siya!”

1 Samuel 20:31 ပူးပေါင်းရင်းမြစ်များ

2 Samuel 12:5

Naanggot nin marahay si David sa mayaman asin nagsabi, “Isinusumpa ko sa ngaran kan buhay na Kagurangnan na dapat magadan an lalaking naggibo kaini!

2 Samuel 19:28

An gabos na kaayon sa pamilya nin sakong ama maninigo kutanang gadanon kan mahal na hade, alagad ipinag-iba mo ako sa mga nagkakarakan sa saimong lamesa. Mayo akong deretso na maghagad pa nin ibang karahayan sa mahal na Hade.”

Salmo 79:11

Dangoga an inagrangay kan mga nasa bilanggoan; asin huli kan saimong dakulang kapangyarihan, ligtasan an mga nahatolan na magadan.

1 Samuel 19:6

Nag-oyon si Saul sa isinabi ni Jonatan asin nanumpa sa ngaran nin Kagurangnan na dai niya gagadanon si David.

1 Samuel 20:30

Naanggot nin marahay si Saul ki Jonatan asin sinabihan, “Aki nin maraot na babae! Aram kong pinili mo an aki ni Jesse sa kasosopgan mo asin nin saimong ina!

1 Samuel 20:8

Kaya nakikimaherak ako saimo, na otobon mo an banal mong panuga sako. Alagad kun igwa akong kasalan, ika na mismo an gumadan sako! Tano ta kaipuhan pang darahon mo ako sa saimong ama?”

1 Samuel 23:17

Nagsabi si Jonatan, “Dai ka matakot huli ta dai ka madadakop kan ama kong si Saul. Naaraman niyang ika an magigin hade nin Israel asin ako an sunod saimo.”

1 Samuel 26:16

Nagpabaya ka sa saimong katongdan. Isinusumpa ko sa ngaran nin Kagurangnan, na kamo gabos maninigong gadanon, huli ta dai nindo binantayan an saindong kagurangnan, an linahidan nin Kagurangnan. Hilinga! Haen an garod kan hade? Haen an dulay nin tubig na nasa saiyang pamayohan?”