1 Samuel 20:30 - Marahay na Bareta Biblia

³⁰ Naanggot nin marahay si Saul ki Jonatan asin sinabihan, “Aki nin maraot na babae! Aram kong pinili mo an aki ni Jesse sa kasosopgan mo asin nin saimong ina!

1 Samuel 20:30 ပူးပေါင်းရင်းမြစ်များ

An Libro ni Job 5:2

Totoo nanggad na an kaanggotan minagadan sa lolong, asin an pag-imon minagadan sa kulang nin pakasabot.

Mga Talinhaga 14:29

An tawong dai tolos naaanggot igwa nin dakulang pakasabot, alagad an madaling maanggot nagpapahiling kan saiyang kalolongan.

Mga Talinhaga 15:2

An dila kan madonong nagwawaras nin pakaaram, alagad an ngoso kan mga mangmang nagbubuga nin kamangmangan.

Mga Talinhaga 19:12

An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.

Mga Talinhaga 19:19

An tawong may dakulang kaanggotan magbabayad kan padusa; kun iligtas mo siya, gigibohon mo man sana giraray iyan.

Mga Talinhaga 21:24

Itukdo mo sako an mahambog na tawo asin itutukdo ko man saimo an tawong mapaabaw-abaw, mapalangkaw saka dai nag-iisip kan karahayan nin iba.

Mga Talinhaga 25:28

An tawo na dai tataong magpugol sa sadiri garo syudad na sinalakay nin kaiwal saka binayaan na mayo nin kudal.

Mga Talinhaga 27:3

Magabat an gapo, asin may timbang an baybay, alagad an problemang bunga nin kalolongan mas magabat sa duwang iyan.

Mateo 5:22

Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.

Efeso 4:31

Ontokon na nindo an mga kapaitan, pagkaongis, kaanggotan, pagkurahaw, pakaraot saka mga maraot sa boot.

Efeso 6:4

Mga magurang, dai nindo pagpaanggoton an saindong mga aki, kundi padakulaon nindo sa Cristianong disiplina asin katukdoan.

1 Samuel 20:29

Nagsabi siyang ‘Tugote akong magduman huli ta madolot nin sakripisyo sa banwa an sakong pamilya, kaya pinagbotan ako kan sakong tugang na lalaki na magduman. Kaya kun katood taka, tutugotan mo akong makaduman asin mahiling an sakong mga kadugo.’ Iyan an dahelan kun tano ta mayo siya digdi sa saimong lamesa.”

1 Samuel 20:31

Dai mo aram na mantang buhay si David, dai ka nanggad magigin hade sa dagang ini? Kaya lakaw asin darahon mo siya sako, huli ta kaipuhan magadan siya!”