1 Samuel 20:2 - Marahay na Bareta Biblia

² Nagsimbag si Jonatan, “Dai logod itugot nin Dios na magadan ka! Sinasabi sako kan sakong ama an gabos niyang ginigibo, mahalaga man o bako, kaya dai niya ini tatagoon sako. Bako iyan totoo!”

1 Samuel 20:2 ပူးပေါင်းရင်းမြစ်များ

Genesis 44:7

Nagsimbag sinda, “Ano an boot mong sabihon? Minasumpa kami na dai mi ginibo an siring.

Salmo 40:6

Mga sakripisyo saka atang dai mo minamawot; alagad ako tinatawan mo nin pakadangog. Dai mo hinahagad an tinutong na atang, ni an dolot para sa kasalan.

Mga Talinhaga 29:24

An kaiba kan mahabon naoongis sa sadiri niyang buhay huli ta papadusahan siya kan hukom kun magsabi siya kan katotoohan, asin mamaldisyonon siya nin Dios kun dai niya gibohon iyan.

Isaias 50:5

An Kagurangnan Dios an nagtao sako nin pakasabot, asin dai ako nagrerebelde o nagtalikod sa saiya.

Lukas 20:16

Dudumanon niya an mga tumatawo dangan gagadanon sinda; pakatapos, ipapaataman niya sa iba an ubasan.” Kan madangog ini kan mga tawo, nagsabi sinda, “Dai man logod iyan mangyari!”

Juan 15:15

Dai ko na kamo aapodon na mga sorogoon, huli ta an sorogoon dai nakakaaram kan ginigibo kan saiyang kagurangnan. Aapodon ko kamong mga katood, huli ta sinabi ko saindo an gabos kong nadangog sa sakong Ama.

Juan 17:8

Itinukdo ko sainda an gabos na nanodan ko saimo, asin inako ninda. Aram man ninda na ako totoong gikan saimo, saka nagtutubod sinda na sinugo mo ako.

Josue 22:29

Dai nanggad kami matumang sa Kagurangnan o matalikod saiya ngunyan, huli sa pagpatindog nin altar para sa mga tinutong na atang, mga dolot na pagkakan o mga sakripisyo. Dai kami mapatindog nin ibang altar kundi an altar nin Kagurangnan na satong Dios na nasa atubangan kan Tabernakulo.”

Josue 24:16

Nagsimbag an mga tawo, “Sagkod pa man dai mi babayaan an Kagurangnan tanganing maglingkod sa ibang dios.

1 Samuel 14:45

Alagad nagsarabi an mga tawo ki Saul, “Tama daw na gadanon si Jonatan na nakaginibo kaining dakulang kapangganahan para sa Israel? Dai! Sagkod na buhay an Kagurangnan, minasumpa kami na mayo nin mararakdag na buhok sa payo ni Jonatan, maski saro. An ginibo niya ngunyan na aldaw nangyari huli sa tabang nin Dios.” Kaya ilinigtas kan mga tawo si Jonatan sa kagadanan.

1 Samuel 20:1

Dangan naghale si David sa Naiot sa Rama asin nagduman ki Jonatan. Hinapot niya si Jonatan, “Ano an ginibo ko? Ano an sakong kasalan? Anong karatan an ginibo ko sa saimong ama ta boot niya akong gadanon?”

1 Samuel 20:12

dangan nagsabi si Jonatan ki David, “An Kagurangnan, an Dios nin Israel, an satong magin saksi! Sa siring kaining oras sa aga o sa masunod na aldaw, hahapoton ko an sakong ama. Kun marahay an pagmate niya manongod saimo, mapasugo ako saimo.

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”

1 Samuel 9:15

Kan nakaaging aldaw bago mag-abot duman si Saul, nagpahayag an Kagurangnan ki Samuel,