1 Samuel 20:16 - Marahay na Bareta Biblia

¹⁶ dai mo man logod malingawan an tipan nyatong ini sa lambang saro. Kun mangyari iyan, padusahan ka logod nin Kagurangnan.”

1 Samuel 20:16 ပူးပေါင်းရင်းမြစ်များ

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

2 Samuel 21:8

Kinua ni David si Armoni asin si Mefiboset, an duwang aking lalaki ni Saul ki Rizpa na aking babae ni Aia; an limang aking lalaki kan aking babae ni Saul na si Merab na agom ni Adriel na aking lalaki ni Barzillai na taga Mehola,

Jeremias 40:9

Sinabihan sinda ni Gedalias, “Dai kamo matakot na maglingkod sa mga taga Babilonia. Mag-erok kamo sa dagang ini, paglingkodan nindo an hade nin Babilonia asin mapapakarhay kamo.

Deuteronomio 23:21

“Kun manuga kamo sa Kagurangnan na saindong Dios, kaipuhan otobon nindo iyan. Sisingilon kamo nin Kagurangnan asin magkakasala kamo kun dai nindo otobon iyan.

Josue 22:23

Kun kami nagsuhay sa Kagurangnan asin nagpatindog nin sadiri nyamong altar tanganing pagtutongan kan samong mga dolot o tanganing gamiton para sa mga dolot na pagkakan asin sa katoninongan, padusahan logod kami nin Kagurangnan.

1 Samuel 18:3

Nagsumpa si Jonatan kan saiyang daing tapos na pakikitood ki David huli ta namotan niya si David siring kan pagkamoot niya sa saiyang sadiri.

1 Samuel 20:42

Dangan sinabihan ni Jonatan si David, “Lakaw sa katoninongan, nin huli ta nanuga an lambang saro sato sa ngaran nin Kagurangnan, na an satong mga panuga ootobon ta asin nin satong mga kapagarakian sagkod lamang.” Dangan naghale si David asin nagbalik si Jonatan sa banwa.

1 Samuel 22:8

Bakong iyo iyan an dahelan kun tano ta nag-iisip kamong labanan ako? Mayo nin saro man saindo na nagsumbong sako na an sadiri kong aking lalaki nakipagtipan ki David. Mayo nin saro man saindo na nagmamakulog sako o nagsasabi na sa mga oras na ini, si David na saro kan sakong mga tawohan, naghahalat kan tamang panahon tanganing gadanon ako, asin an sadiri kong aki iyo pa an nagdagka saiya!”

1 Samuel 23:18

Dangan naggibo sindang duwa nin tipan sa atubangan nin Kagurangnan. Pakatapos, nagpuli sa saiyang harong si Jonatan, alagad nagpawalat si David sa Hores.

1 Samuel 25:22

Gadanon logod ako nin Dios kun dai ko gadanon an lambang saro kan mga lalaking idto bago mag-aga!”

1 Samuel 25:26

An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.

1 Samuel 31:2

Alagad naabotan sinda kan mga Filisteo asin ginadan an tolong aking lalaki ni Saul na si Jonatan, Abinadab, saka Malkisua.