1 Samuel 2:7 - Marahay na Bareta Biblia

⁷ An iba saiyang pinapangagin dukha, an iba mayaman; an iba saiyang ibinababa, an iba ilinalangkaw.

1 Samuel 2:7 ပူးပေါင်းရင်းမြစ်များ

2 Mga Hade 9:6

Nagtindog si Jehu asin nagduman sindang duwa sa laog kan harong; dangan inula kan hoben na propeta an lana sa payo ni Jehu. Sinabihan niya si Jehu, “Ini an sinasabi nin Kagurangnan, Dios nin Israel: ‘Linalahidan taka bilang hade kan banwaan nin Israel.

1 Mga Cronica 29:12

Sa saimo gikan an gabos na kayamanan asin kaomawan; ika an hade kan gabos. Nasa saimo an kapangyarihan asin kosog; ika an nagtatao nin kadakulaan asin kosog sa gabos.

2 Mga Cronica 32:27

Nagyaman nin marahay si Hadeng Ezekias asin inomaw kan gabos. Nagpagibo siya nin mga kwartong sarayan nin bulawan, plata, mga mahalagang bato, mga pahamot, mga kalasag, asin iba pang mahalagang mga kagamitan.

2 Mga Cronica 32:29

Tinawan siya nin Kagurangnan nin dakul na pagsadiri, mga karnero asin mga baka, kaya nagpatugdok siya nin dakul na syudad.

An Libro ni Job 1:21

Nagsabi siya, “Huba ako kan iluwas sa tulak kan sakong ina, asin huba akong mabalik. An Kagurangnan an nagtao, asin an Kagurangnan an nagkua. Pag-omawon logod an ngaran nin Kagurangnan!”

An Libro ni Job 40:12

Hilinga an lambang mapaabaw-abaw, asin ibaba mo siya; timaktimakan mo an maraot sa saiyang natitindogan.

An Libro ni Job 5:11

ilinalangkaw niya an mga mapakumbaba, asin an mga nagmomondo tinatawan niya nin kaogmahan.

Salmo 102:10

huli kan saimong kabaldian asin kaanggotan, ako saimong pinoporot dangan itinatapok.

Salmo 75:7

kundi sa Dios na iyo an hukom, an nagpapadusa sa saro asin nagpapatalingkas sa iba.

Salmo 75:8

Kapot nin Kagurangnan an sarong kalis, pano nin maisog na arak nin saiyang kaanggotan. Iuula niya iyan, asin iinomon kan gabos na tampalasan; iinomon sagkod na maubos.

Mga Talinhaga 22:2

An mayaman saka an dukha parehong linalang nin Kagurangnan.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Jeremias 49:15

Gigibohon ka nin Kagurangnan na sarong maluyang nasyon, na pagtutuyatuyaon kan mga tawo.

Ezekiel 17:24

An gabos na kahoy sa daga makakaaram na ako an Kagurangnan. Pinapalod ko an mga halangkaw na kahoy asin pinapahalangkaw an mga hababang kahoy. Pinapaalang ko an mga berdeng kahoy, asin pinapangagin berde an mga alang na kahoy. Ako, an Kagurangnan, an nagtaram, asin gigibohon ko iyan.”

Santiago 4:10

Magpakumbaba kamo sa atubang nin Kagurangnan, ta ilalangkaw niya kamo.