1 Samuel 2:35 - Marahay na Bareta Biblia

³⁵ Mapili ako nin sarong padi na magigin maimbod sako asin magibo kan gabos na ipagboboot ko. Tatawan ko siya nin dakul na aki asin makoapo, na danay na maglilingkod sa atubangan kan pinili kong hade.

1 Samuel 2:35 ပူးပေါင်းရင်းမြစ်များ

2 Samuel 7:27

Nagkaigwa ako nin kosog na magpamibi saimo, O Kagurangnan nin mga hukbo, Dios nin Israel, huli ta ipinahayag mo ini gabos sako, na saimong sorogoon, dangan tinaraman na gigibohon mong mga hade an sakong kapagarakian.

1 Mga Hade 1:45

dangan linahidan siya ni Zadok saka ni Natan duman sa burabod nin Gihon bilang hade. Inibahan ninda si Solomon pabalik sa syudad asin nagkukururahaw sa kaogmahan an mga tawo. Iyan an ribok na nadangog mo.

1 Mga Hade 1:8

Alagad dai nagkampi saiya an padi na si Zadok, si Benaias na aking lalaki ni Jehoiada, si Natan na propeta, si Simei, si Rei, asin an mga maiisog na soldados ni David.

1 Mga Hade 11:38

Kun kukuyogon mo nanggad ako, mamumuhay sosog sa sakong katogonan, asin maggigibo kan matanos sa atubang ko huli sa pag-otob kan sakong mga togon saka mga pagboot siring kan ginibo kan sorogoon kong si David, danay takang iibahan. Gigibohon takang hade nin Israel asin gigibohon kong hade an saimong mga kapagarakian bilang kasalihid mo, siring kan ginibo ko para ki David.

1 Mga Hade 2:35

Si Benaias an ginibo kan hade na kasalihid ni Joab bilang pamayo kan hukbo asin si Zadok an nagin kasalihid ni Abiatar bilang padi.

1 Mga Cronica 29:22

Kan aldaw na idto, nagkakan sinda saka nag-inom sa atubang nin Kagurangnan sa dakulang kaogmahan. Sa ikaduwang beses, ipinagrukyaw ninda si Solomon bilang hade. Sa ngaran nin Kagurangnan, linahidan ninda siya bilang saindang kagsakop, asin si Zadok bilang padi.

Salmo 18:50

Darakulang panggana itinatao niya sa saiyang hade, danay na pagkamoot an ipinapahiling niya sa saiyang linahidan, ki David asin sa kapagarakian kaini sagkod pa man.

Salmo 2:2

Nagrerebelde an saindang mga hade, nagbuburonyog an saindang mga pamayo tumang sa Kagurangnan asin tumang sa hade na saiyang pinili.

Ezekiel 34:23

Tatawan ko sinda nin sarong hade na arog kan sorogoon kong si David, tanganing iyo sana an magpastor asin mag-ataman sainda.

Mga Bilang 25:13

An pagkapadi magdadanay saiya asin sa saiyang kapagarakian huli ta ipinahiling niya an saiyang kaimbodan sa saiyang Dios, asin binayadan niya an kasalan kan mga tawo.”

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.

1 Samuel 10:10

Pag-abot ni Saul asin kan saiyang sorogoon sa Gibea, sinabat siya nin sarong grupo nin propeta. Dangan nagdatong saiya an espiritu nin Dios, asin nagsabay siya sainda sa pagpropesiya.

1 Samuel 10:9

Kan talikodan ni Saul si Samuel tanganing bayaan ini, binago nin Dios an saiyang puso. Nangyari saiya kan aldaw na idto an gabos na sinabi ni Samuel.

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”

1 Samuel 16:13

Kinua ni Samuel an lana nin oliba asin linahidan si David sa atubangan kan saiyang mga tugang na lalaki. Nag-abot tolos ki David an espiritu nin Kagurangnan asin nagdanay saiya magpoon kan aldaw na idto. Dangan nagbalik si Samuel sa Rama.

1 Samuel 2:36

An siisay man sa saimong kapagarakian na dai magadan, madolok sa pading iyan asin mahagad nin kwarta saka pagkakan, patin makikimaherak na tugotan na makatabang sa mga padi, tanganing igwa sanang makakan.”

1 Samuel 25:28

Patawadon mo ako kan ano man na kasalan na naginibo ko. Gigibohon kang hade nin Kagurangnan, asin an saimong mga kapagarakian, huli ta nakikilaban ka kan saiyang mga gera; mayong makukuang karatan saimo mantang buhay ka.

1 Samuel 3:1

Kan naglilingkod sa Kagurangnan an aking si Samuel, dikit sana an nag-abot na mensahe hale sa Kagurangnan asin bihira an mga bisyon na hale saiya.

1 Samuel 7:9

Kaya nagbuno si Samuel nin sarong bako pang butas na kordero asin bilog na idinolot bilang sarong tinutong na atang sa Kagurangnan. Dangan nag-agrangay siya sa Kagurangnan para sa Israel; sinimbag siya nin Kagurangnan.

1 Samuel 8:3

Alagad dai sinda nagsunod sa paarog kan saindang ama; boot sana nindang magyaman, kaya nag-ako sinda nin mga suhol asin biniko ninda an katanosan.

1 Samuel 9:12

Nagsimbag an mga babae, “Yaon siya. An totoo, nasa enotan sana nindo siya asin kun maghidali kamo, maaabotan pa nindo. Pakalaog nindo sa banwa, makukua na nindo siya. Minaabot pa sana siya huli ta madolot an mga tawo nin atang sa altar sa itaas kan bulod. Dai makakan an mga tawong inalok sagkod na dai pa siya nag-abot duman, huli ta kaipuhan bendisyonan ngona niya an atang. Kun magduman na kamo ngunyan, maaabotan nindo siya bago siya magtukad sa bulod tanganing magkakan.”