1 Samuel 2:29 - Marahay na Bareta Biblia

²⁹ Kun siring, tadaw ta hinihiling mo na may kapasloan an mga atang asin dolot na hinahagad ko sa sakong banwaan? Tadaw ta pinapaorog mo an saimong mga aki ki sa sako, huli sa pagtugot sainda na magpataba kan saindang sadiri sa pinakamarahay na mga parte kan gabos na dolot kan sakong banwaan?

1 Samuel 2:29 ပူးပေါင်းရင်းမြစ်များ

2 Mga Hade 12:6

Alagad kan ikabeynte y tres na taon kan paghahade ni Joas dai pa hinihirahay kan mga padi an Templo.

Salmo 26:8

Namomotan ko an saimong harong, Kagurangnan, an pinag-eerokan kan saimong kamurawayan.

Ezekiel 13:19

Linalanghad nindo ako sa atubang nin sakong banwaan tanganing magkaigwa sana kamo nin sarong hakbot nin sebada asin dikit na tinapay. Ginagadan nindo an mga tawong dai man dapat gadanon, asin tinutugotan nindong mabuhay an mga tawong dai dapat mabuhay. Nagpuputik kamo sa sakuyang banwaan, asin tinutubod ninda kamo.”

Ezekiel 34:10

Ini an tataramon ko, an Kagurangnan Dios: Kalaban ko kamo. Hahaleon ko saindo an sakong mga karnero asin bako na kamo an mag-aataman sainda. Ililigtas ko sa kamot nindo an sakong mga karnero tanganing dai nindo sinda makakan.

Ezekiel 34:2

“Aki nin tawo, magpropesiya ka laban sa mga namamayo nin Israel. Sabihan mo sinda na ini an tataramon ko, an Kagurangnan Dios: Herak man saindo, mga pastor nin Israel! Binabasog nindo an saindong sadiri, alagad dai nindo inaataman an mga karnero.

Oseas 4:8

Nagyayaman kamo huli sa mga kasalan kan sakong banwaan, kaya boot pa nindong magdugang an saindang pagkakasala.

Levitico 19:15

“Dai kamo maghukom na bakong matanos; dai kamo magpahiling nin pagsurog sa mga dukha o pagkatakot sa mga mayaman, alagad sa katanosan, hukoman nindo an saindong kapwa.

Mikas 3:5

Dinaya an sakong banwaan kan mga propetang nanunuga nin katoninongan sa mga nakakabayad sainda, alagad nagpapahayag sainda nin gera sa mga dai nakakabayad. An Kagurangnan nagsasabi sa mga propetang ini,

Mateo 10:37

“An namomoot sa saiyang ama o ina orog pa sako, bakong maninigo na magin disipulo ko. An namomoot sa saiyang aking lalaki o babae orog pa sako, bakong maninigo na magin disipulo ko.

Mateo 22:16

Kaya pinaduman ninda ki Jesus an saindang mga disipulo kaiba an nagkapirang tawohan ni Herodes. Nagsabi an mga ini, “Maestro, aram mi na bako kang putikon, talagang itinutukdo mo an kabotan nin Dios. Dai kang pinapalaen na tawo ta dai mo tinatawan nin halaga kun ano an katongdan ninda.

Lukas 14:26

“An magdolok sako dai magigin disipulo ko kun orog na namomotan niya ki sa sako an saiyang ama, ina, agom, mga aki, mga tugang, asin an sadiri niyang buhay.

Roma 16:18

An mga siring na tawo bakong sa satong Kagurangnan naglilingkod, kundi nagpaparaisip sana kan saindang tulak. Dinadaya ninda an mga tawong inosente, sa paagi kan saindang magayon asin marahay pagdangogon na mga tataramon.

2 Corinto 5:16

Kaya poon ngunyan, dai na kami naghuhukom sa kiisay man sosog sa sukolan nin tawo. Maski ngani kaidto hinukoman mi si Cristo sa sukolan nin tawo, dai mi na iyan ginigibo ngunyan.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Deuteronomio 33:9

Pinaorog ka niya ki sa saiyang ama asin ina, ki sa mga tugang asin mga aki niya. Kinuyog kan mga Levita an saimong mga kabotan, inotob ninda an saimong tipan.

Santiago 3:17

Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

1 Samuel 3:13

Tinaraman ko na siya na papadusahan ko sagkod pa man an saiyang pamilya huli kan mga maraot na sinabi kan saiyang mga aking lalaki tumang sako. Aram ni Eli na ginigibo ninda ini, alagad dai niya sinda sinaway.