1 Samuel 2:28 - Marahay na Bareta Biblia

²⁸ Pinili ko an saiyang pamilya hale sa gabos na tribu nin Israel tanganing magin sakong mga padi, maglingkod sa altar, magtutong nin insenso, asin magsulot kan efod sa pag-aram kan sakong kabotan. Itinao ko sainda an deretso na magkua nin sarong kabtang kan mga atang na tinututong sa altar.

1 Samuel 2:28 ပူးပေါင်းရင်းမြစ်များ

2 Samuel 12:7

Nagsabi si Natan ki David, “Ika an lalaking idto. Ini an itinaram nin Kagurangnan na Dios nin Israel: ‘Linahidan taka bilang hade nin Israel asin ilinigtas sa kamot ni Saul.

2 Samuel 6:14

Nagsayaw si David sa atubangan nin Kagurangnan sa bilog niyang kosog; nakasulot siya nin efod na lino.

Exodo 28:1

“Ipaapod mo si Aaron na saimong tugang sagkod an saiyang mga aki na si Nadab, Abihu, Eleazar asin si Itamar. Laenon mo sinda sa gabos na Israelita tanganing maglingkod sako bilang mga padi.

Exodo 28:4

Ini an mga gubing na gigibohon ninda: pantahob sa daghan, efod, abito, tunikang may burda, mitra asin habay. Ining mga banal na gubing gigibohon ninda para sa tugang mong si Aaron asin para sa saiyang mga aki tanganing maglingkod sinda sako bilang mga padi.

Exodo 30:7

Sa aga-agang pagmangno ni Aaron kan mga ilawan, tututongon niya sa altar an mahamot na insenso.

Exodo 30:8

Iyo man an gigibohon niya kun banggi sa pagpalaad niya kan mga ilawan. Ining danay na pagdolot nin insenso gigibohon nindo sagkod sa mga maabot na henerasyon.

Levitico 2:10

An tada kan idinolot mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 2:3

An tada kan idinolot na pagkakan mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 6:16

An matatadang arina saka lana gigibohon na tinapay na mayo nin lebadura asin kakakanon kan mga padi sa sarong banal na lugar, duman sa patyo kan Tabernakulo. Itinao na iyan nin Kagurangnan sa mga padi bilang saindang kahirasan sa mga dolot na pagkakan. Banal iyan arog kan mga dolot para sa kasalan asin kan dolot na kabayadan.

Levitico 7:32

An nasa hurihan na toong bitis kan hayop itatao niya bilang espesyal na regalo

Levitico 7:36

Kan aldaw na iyan, ipinagboot nin Kagurangnan sa mga Israelita na itao ninda sa mga padi an kabtang na iyan kan dolot. Saro ining pagsusundon na dapat otobon kan mga Israelita sa gabos na panahon.

Mga Bilang 16:5

Dangan sinabihan niya si Kora asin an mga kairiba kaini, “Sa aga, ipapahiling sato nin Kagurangnan kun siisay an sadiri niya, an mga pinili niya na papadolokon niya saiya sa altar.

Mga Bilang 18:19

“Itinatao ko saimo, sa saimong mga aking lalaki, asin sa saimong mga aking babae sa gabos na panahon an gabos na espesyal na regalo na idodolot sako kan mga Israelita. Ini sarong daing kataposan na pakikipagtipan ko saimo saka sa saimong kapagarakian.”

1 Samuel 14:3

(An pading nagsusulot kan efod iyo si Ahias, na aking lalaki ni Ahitub na tugang ni Ikabod, na aki ni Finehas asin makoapo ni Eli, na padi nin Kagurangnan sa Shilo.) Dai naaraman kan saindang pag-iriba na naghale si Jonatan.

1 Samuel 2:18

Padagos man na naglilingkod kaidto si Samuel sa Kagurangnan, sulot an sarong linong efod.