1 Samuel 2:23 - Marahay na Bareta Biblia

²³ Kaya sinabihan niya sinda, “Tadaw ta ginigibo nindo an mga bagay na ini? An gabos nagsusumbong sako manongod kan mga karatan na saindong ginigibo.

1 Samuel 2:23 ပူးပေါင်းရင်းမြစ်များ

1 Mga Hade 1:6

Sa bilog na buhay niya dai pa lamang siya sinagwe ni David na saiyang ama, o hinapot lamang nin, “Tano ta ginibo mo ini?” Gwapo siyang marahay asin ngohod siya ki Absalom.

Isaias 3:9

An saindang pagpapalaen an masaksi laban sainda; ipinapahayag ninda an saindang kasalan siring sa Sodoma, dai ninda itinatago iyan. Herak man sainda! Huli ta sinda man sana an nagdara nin kapahamakan sa sainda.

Jeremias 3:3

Iyan an dahelan kun tadaw ta pinugol ko an uran asin dai nagbulos ini maski sa panahon kan pagtalubo kan mga tinanom. Garo ka sarong maraot na babae; mayo ka nin kasosopgan.

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Mga Gibo 14:15

“Mga tugang, tadaw ta ginigibo nindo ini? Mga tawo man kami arog nindo! An katuyohan mi digdi iyo an pagtukdo saindo kan Marahay na Bareta, tanganing bayaan nindo an mga bagay na ini na mayo nin halaga, dangan magsunod kamo sa Dios na buhay na naglalang kan langit, daga, dagat, asin kan gabos na yaon diyan.

Mga Gibo 9:4

Nahulog siya sa kabayo asin nadangog niya an sarong tingog na nagsasabi saiya, “Saulo, Saulo! Tadaw ta pinapasakitan mo ako?”

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.

1 Samuel 2:22

Gurang nang marahay si Eli. Naisihan niya an gabos na ginigibo sa mga Israelita kan saiyang mga aking lalaki. Nabaretaan man niya na dinodorogan pa ninda an mga babaeng naglilingkod sa pintoan kan Tabernakulo nin Kagurangnan.

1 Samuel 2:24

Ontok kamo kaiyan! Maraot na bareta iyan na pinag-oorolayan kan banwaan nin Kagurangnan!