1 Samuel 2:18 - Marahay na Bareta Biblia

¹⁸ Padagos man na naglilingkod kaidto si Samuel sa Kagurangnan, sulot an sarong linong efod.

1 Samuel 2:18 ပူးပေါင်းရင်းမြစ်များ

2 Samuel 6:14

Nagsayaw si David sa atubangan nin Kagurangnan sa bilog niyang kosog; nakasulot siya nin efod na lino.

1 Mga Cronica 15:27

Gubing na purong lino an sulot ni David; siring man an gubing kan mga paratugtog, ni Kenanias na parapamahala kan mga paratugtog asin kan mga Levita na nagdadara kan Kaban nin Tipan. Nakasulot si David nin efod na lino.

Exodo 28:4

Ini an mga gubing na gigibohon ninda: pantahob sa daghan, efod, abito, tunikang may burda, mitra asin habay. Ining mga banal na gubing gigibohon ninda para sa tugang mong si Aaron asin para sa saiyang mga aki tanganing maglingkod sinda sako bilang mga padi.

Levitico 8:7

Pakatapos, isinulot niya ki Aaron an tunika, an abito sagkod an habay. Dangan isinulot ni Moises ki Aaron an efod na saiyang ibinugkos sa paagi kan habay na magayon an pakagibo.

1 Samuel 14:3

(An pading nagsusulot kan efod iyo si Ahias, na aking lalaki ni Ahitub na tugang ni Ikabod, na aki ni Finehas asin makoapo ni Eli, na padi nin Kagurangnan sa Shilo.) Dai naaraman kan saindang pag-iriba na naghale si Jonatan.

1 Samuel 2:11

Dangan nagpuli si Elkana sa saiyang harong sa Rama, alagad nawalat an aking si Samuel sa Shilo asin naglingkod sa Kagurangnan sa pamamahala kan pading si Eli.

1 Samuel 2:28

Pinili ko an saiyang pamilya hale sa gabos na tribu nin Israel tanganing magin sakong mga padi, maglingkod sa altar, magtutong nin insenso, asin magsulot kan efod sa pag-aram kan sakong kabotan. Itinao ko sainda an deretso na magkua nin sarong kabtang kan mga atang na tinututong sa altar.

1 Samuel 22:18

Kaya sinabihan ni Saul si Doeg, “Gadana sinda!” Asin ginadan sinda gabos ni Doeg; kan aldaw na idto, ginadan niya an otsenta y singkong padi na anas maninigong magsulot kan efod.

1 Samuel 3:1

Kan naglilingkod sa Kagurangnan an aking si Samuel, dikit sana an nag-abot na mensahe hale sa Kagurangnan asin bihira an mga bisyon na hale saiya.