1 Samuel 2:10 - Marahay na Bareta Biblia

¹⁰ Magkakaturunaw an mga kaiwal nin Kagurangnan; laban sainda, madaguldol siya sa kalangitan. An Kagurangnan an mahukom sa bilog na kinaban; tatawan niya nin kosog an saiyang hade, ilalangkaw niya an kapangyarihan kan saiyang pinili.”

1 Samuel 2:10 ပူးပေါင်းရင်းမြစ်များ

2 Samuel 22:14

An Kagurangnan nagdaguldol sa kalangitan; asin nadangog an tingog kan Kahorohalangkawe.

2 Samuel 7:13

Siya an matugdok nin Templo para sako, asin gigibohon kong magdanay an saiyang trono sagkod pa man.

2 Samuel 7:8

“Kaya sabihan mo si David na sakong sorogoon na ako, an Kagurangnan nin mga hukbo, an nagtataram saiya, ‘Kinua taka hale sa pagpastor nin mga karnero sa kaomahan asin ginibo takang hade kan sakong banwaan nin Israel.

An Libro ni Job 40:9

Makosog ka daw arog sa sako? Makakadaguldol daw an saimong tingog siring kakosog kan sakong tingog?

Salmo 132:17

Saro sa mga aki ni David an gigibohon kong dakulang hade sa Sion; papadanayon ko digdi an pagkanihade kan sakong pinili.

Salmo 148:14

Pinakosog niya an saiyang nasyon, kaya inoomaw siya kan saiyang mga banal, kan banwaan nin Israel na saiyang namomotan. Omawon an Kagurangnan!

Salmo 2:2

Nagrerebelde an saindang mga hade, nagbuburonyog an saindang mga pamayo tumang sa Kagurangnan asin tumang sa hade na saiyang pinili.

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Salmo 2:9

Babarion mo sinda sa paagi nin sarong sugkod na lansang; roronoton mo sinda siring sa sarong koron.”

Salmo 20:6

Ngunyan aram kong tatabangan nin Kagurangnan an saiyang linahidan; sisimbagon niya siya hale sa saiyang banal na langit; tatawan nin dakul na kapangganahan huli kan saiyang toong kamot.

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 21:1

Sa saimong kosog nag-oogma an hade, O Kagurangnan; naoogma huli sa tabang na itinao mo saiya.

Salmo 28:8

An Kagurangnan kosog nin saiyang banwaan, ligtas na pailihan kan saiyang linahidan.

Salmo 45:7

namomoot ka sa katanosan asin naoongis sa karatan. Kaya linahidan ka nin Dios, na saimong Dios, kan lana nin kaogmahan orog ki sa ibang mga hade.

Salmo 89:17

Tinawan mo kami nin darakulang panggana; sa pagkamoot mo kami saimong pinapanggana.

Salmo 89:24

An sakong kaimbodan asin danay na pagkamoot mapapasaiya, sa ngaran ko ipagbabantog an kosog niya.

Salmo 89:25

Papadakulaon ko an saiyang kahadean magpoon sa Mediteraneo sagkod sa Salog nin Eufrates.

Salmo 96:13

sa atubang nin Kagurangnan, huli ta siya minadatong, huli ta siya minadatong tanganing hukoman an daga. Huhukoman niya an kinaban sa katanosan, asin an mga banwaan, sa saiyang katotoohan.

Salmo 98:9

huli ta madatong siya tanganing maghukom sa daga. Maghuhukom sa mga banwaan nin kinaban sa katanosan asin sa katotoohan.

Exodo 15:6

“An too mong kamot, O Kagurangnan, makangingirhat sa kosog; an mga kaiwal rinoronot kan too mong kamot.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Parahulit 12:14

Huhukoman nin Dios an gabos nyatong gibo, marahay man o maraot, maski an mga bagay na ginibo sa hilom.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 32:1

Maabot an panahon na magkakaigwa nin hade na mamamayo sa katanosan, asin mga lider na mamamayo sa hustisya.

Isaias 45:24

“Masabi sinda na sa paagi ko sana makukua an kosog saka an kapangganahan; alagad magtitios nin kasosopgan an gabos na naoongis sako.

Ezekiel 29:21

“Kun mangyari na iyan, papakosogon ko an banwaan nin Israel, dangan tutugotan taka, Ezekiel, na magtaram sa pandangog kan gabos tanganing maaraman ninda na ako an Kagurangnan.”

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Mateo 28:18

Dinolok sinda ni Jesus asin sinabihan, “Itinao sako an gabos na kapangyarihan sa langit asin sa daga.

Lukas 1:69

Nagpadara siya sato nin sarong mapangyaring Paraligtas, sarong gikan ki David na saiyang sorogoon.

Lukas 19:27

Dapit naman sa mga kaiwal kong habong mag-ako sako bilang hade, darahon nindo sinda digdi asin gadanon sa atubangan ko!’”

Mga Gibo 10:38

Aram man nindo kun paano itinao nin Dios ki Jesus na taga Nazaret an Espiritu Santo asin an kapangyarihan. Naglibot siya sa gabos na lugar, naggigibo nin marahay saka nagbobolong kan gabos na nasa irarom kan kapangyarihan kan Diablo, huli ta an Dios yaon saiya.

Mga Gibo 4:27

Sa syudad na ini, si Herodes, si Poncio Pilato, an mga pagano sagkod an mga taga Israel nagtiripon tumang ki Jesus, an saimong banal na Sorogoon na saimong linahidan.

2 Corinto 5:10

Huli ta kita gabos maatubang ki Cristo tanganing hukoman niya. An lambang saro maako kan maninigo saiya, sosog sa saiyang mga marahay o maraot na gibo, kan nabubuhay pa siya sa kinaban na ini.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.

1 Samuel 12:13

“Ngunyan uya an hade na saindong pinili; hinagad nindo siya asin itinao siya saindo nin Kagurangnan.

1 Samuel 12:17

Bakong tig-init ngunyan? Alagad mamimibi ako, asin mapadara an Kagurangnan nin daguldol saka uran. Kun mangyari ini, saindong maaaraman na dakula an saindong pagkakasala tumang sa Kagurangnan kan hagadon nindo saiya an sarong hade.”

1 Samuel 12:18

Kaya namibi si Samuel, asin kan aldaw na idto nagpadara an Kagurangnan nin daguldol saka uran. Dangan nagkatarakot an mga tawo sa Kagurangnan saka ki Samuel.

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”

1 Samuel 15:28

Sinabihan siya ni Samuel, “Pinakit na saimo nin Kagurangnan an kahadean nin Israel ngunyan na aldaw asin itinao na sa sarong lalaking mas marahay ki sa saimo.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 7:10

Mantang idinodolot ni Samuel an atang, nagpadagos sa pagsalakay an mga Filisteo; alagad nagdaguldol sa makosog na tingog an Kagurangnan laban sa mga Filisteo kan aldaw na idto. Nagkarilibong sinda asin nagdurulag sa takot.