1 Samuel 19:5 - Marahay na Bareta Biblia

⁵ Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”

1 Samuel 19:5 ပူးပေါင်းရင်းမြစ်များ

2 Samuel 23:10

alagad dai naghiro si Eleazar; linabanan niya an mga Filisteo sagkod na panluyahon an saiyang kamot asin dai na niya nabubutasan an saiyang espada. Dakulang kapangganahan an ipinahiling nin Kagurangnan kan aldaw na idto. Pakatapos kan ralaban, nagbalik an mga Israelita sa namumugtakan ni Eleazar tanganing hurubaan kan gubing sa pakilaban an mga nagkagaradan.

1 Mga Cronica 11:14

alagad dai siya naghiro sa saiyang natitindogan duman sa oma, kaiba an saiyang mga tawohan. Dai sinda naghale kundi nakilaban; ginadan ninda an mga Filisteo. Sarong dakulang kapangganahan an itinao sainda kan Kagurangnan.

1 Mga Cronica 11:18

Kaya nangahas maglaog sa kampo kan mga Filisteo an tolong makokosog na soldados, nagharok nin tubig sa bubon na nasa may trangkahan kan Betlehem, dangan dinara ki David. Alagad dai idto ininom ni David, kundi, inula bilang sarong atang sa Kagurangnan.

Salmo 109:5

Binabalosan ninda ako nin karatan para sa karahayan; nin pagkaanggot para sa pagkamoot.

Salmo 119:109

Danay na nasa pag-alaman an sakong buhay, alagad dai ko nalilingawan an saimong katogonan.

Salmo 25:3

Dai madadaog an mga naglalaom saimo; alagad masosopog an minapasaluib saimo.

Salmo 69:4

An mga naaanggot sako na mayong dahelan, mas dakul pa ki sa sakuyang buhok. Makokosog sinda na boot sakong gumadan; sinasalakay ako kan saindang kaputikan. Dai ko ikakabalik an dai ko man hinabon.

Salmo 94:21

na nagmamawot nin maraot tumang sa mga matanos na tawo asin minakondenar sa kagadanan sa mga mayo nin kasalan?

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Jeremias 26:15

Aramon nanggad nindo na kun gadanon nindo ako, kamo asin an mga nag-eerok sa syudad na ini magkakasala nin paggadan sa sarong tawo na mayo nin sala, huli ta an Kagurangnan an nagsugo sako tanganing itao saindo an patanid na ini.”

Mateo 27:24

Kan mahiling ni Pilato na dai siyang magiginibo, ata ngani orog na nagriribok an mga tawo, nagpakua siya nin tubig asin naghanaw kan saiyang mga kamot sa atubangan kan mga tawo. “Dai akong sala sa kagadanan kan tawong ini. Kabotan nindo ini!” an sabi niya.

Mateo 27:4

Nagsabi siya, “Nagkasala ako! Pinasaluiban ko an sarong tawong mayong sala!” Alagad nagsimbag sinda, “Ano an labot mi kaiyan? Problema mo na iyan!”

Juan 15:25

Nangyayari ini tanganing maotob an nasusurat sa saindang Katogonan, ‘Ikinaongis ako ninda na mayo nin anoman na dahelan.’

Mga Gibo 20:24

Alagad para sako mayo nin halaga an buhay ko; boot ko sanang matapos an misyon na inako ko ki Jesus na Kagurangnan, na iyo an pagpahayag kan Marahay na Bareta dapit sa biyaya nin Dios.

Filipos 2:30

huli ta ibinugtak niya sa pag-alaman an saiyang buhay, na dikit pang mawara, huli sa paglingkod ki Cristo tanganing ikatao sako an tabang na dai nindo ikinatao.

Hebreyo 2:3

Kun siring, paano kitang makakadulag sa padusa kun dai ta tinatawan nin halaga an siring kadakulang kaligtasan? An Kagurangnan mismo an enot na nagpahayag kan kaligtasan na ini, dangan pinatotoohan iyan sato kan mga nakadangog saiya.

Hukom 12:3

Kan mahiling kong habo kamong magtabang, ibinugtak ko sa pag-alaman an sakong buhay, lunampas ako sa pagdolonan tanganing makilaban sainda. Tinabangan ako nin Kagurangnan kaya nanggana ako. Tano ta ngunyan boot nindo akong kalabanon?”

Hukom 9:17

Giromdoma nindo na nakilaban an sakong ama para saindo. Itinaya niya an saiyang buhay tanganing iligtas kamo sa mga Midianita.

1 Samuel 11:13

Alagad nagsabi si Saul, “Mayo nin siisay man na gagadanon sa aldaw na ini, huli ta iyo ini an aldaw na ilinigtas nin Kagurangnan an Israel.”

1 Samuel 14:45

Alagad nagsarabi an mga tawo ki Saul, “Tama daw na gadanon si Jonatan na nakaginibo kaining dakulang kapangganahan para sa Israel? Dai! Sagkod na buhay an Kagurangnan, minasumpa kami na mayo nin mararakdag na buhok sa payo ni Jonatan, maski saro. An ginibo niya ngunyan na aldaw nangyari huli sa tabang nin Dios.” Kaya ilinigtas kan mga tawo si Jonatan sa kagadanan.

1 Samuel 19:6

Nag-oyon si Saul sa isinabi ni Jonatan asin nanumpa sa ngaran nin Kagurangnan na dai niya gagadanon si David.

1 Samuel 20:32

“Tano ta kaipuhan siyang magadan?” an simbag ni Jonatan. “Ano an ginibo niya?”

1 Samuel 22:14

Nagsimbag si Ahimelec, “Bakong si David an pinakamaimbod mong opisyal, an saimong manugang, pamayo kan saimong bantay, asin iginagalang kan gabos na yaon sa laog kan saimong harong?

1 Samuel 28:21

Dinolok siya kan babae asin nahiling kaini na kanigoan an takot ni Saul, kaya sinabihan niya si Saul, “Mahal na Hade, ibinugtak ko sa pag-alaman an sakong buhay huli sa pagsunod kan hinagad mo.