1 Samuel 19:20 - Marahay na Bareta Biblia

²⁰ kaya nagsugo siya nin nagkapirang lalaki tanganing dakopon si David. Kan mahiling kan mga sinugo an grupo nin mga propeta na nagsasarayaw asin nagkukurahaw sa kaibahan ni Samuel, nag-abot sainda an espiritu nin Dios, asin nagpoon man sindang magsarayaw saka magkurahaw.

1 Samuel 19:20 ပူးပေါင်းရင်းမြစ်များ

Joel 2:28

“Pakatapos, papahiligon ko an sakong espiritu sa gabos na tawo: an saindong mga aking lalaki saka babae maghuhula; an saindong mga gurang na lalaki magkakaigwa nin mga pangatorogan; an saindong mga hoben na lalaki makakahiling nin mga bisyon.

Mga Bilang 24:2

asin nahiling niya an Israel na tribu-tribung nakakampo. Dangan uminabot saiya an espiritu nin Dios,

Juan 7:32

Nadangog kan mga Fariseo an orolay kan mga tawo dapit ki Jesus, kaya sinda asin an mga poon na padi nagpadara nin nagkapirang mga bantay sa Templo nganing dakopon si Jesus.

1 Corinto 14:3

Alagad an nagpopropesiya nagtataram sa mga tawo tanganing magtalubo sinda sa pagtubod, mapakosog an saindang boot saka maranga sinda.

1 Samuel 10:10

Pag-abot ni Saul asin kan saiyang sorogoon sa Gibea, sinabat siya nin sarong grupo nin propeta. Dangan nagdatong saiya an espiritu nin Dios, asin nagsabay siya sainda sa pagpropesiya.

1 Samuel 19:11

Kan banggi man sanang idto, pinabantayan ni Saul sa nagkapirang lalaki an harong ni David tanganing magadan niya pagkaaga. Alagad, pinatanidan si David ni Mical na saiyang agom, “Kun dai ka magdulag ngunyan na banggi, magagadan ka sa aga.”

1 Samuel 19:14

Kan magduman an mga tawohan ni Saul tanganing kuahon si David, sinabihan sinda ni Mical na may helang si David.

1 Samuel 19:19

Naosipan si Saul na idtoon si David sa Naiot sa Rama,

1 Samuel 19:21

Kan mabaretaan ini ni Saul, nagsugo siya nin ibang mga lalaki, alagad nagpoon man sindang magsayaw saka magkurahaw. Sa ikatolong beses nagsugo nin mga lalaki si Saul, alagad pareho man an ginibo ninda.