1 Samuel 19:10 - Marahay na Bareta Biblia

¹⁰ Hiningowa ni Saul na itadok si David sa lanob sa paagi kan saiyang garod, alagad nakalikay si David asin tuminusok an garod sa lanob. Nagdalagan si David asin nagdulag.

1 Samuel 19:10 ပူးပေါင်းရင်းမြစ်များ

Salmo 124:7

Nakadulag kita siring sa sarong gamgam sa litag nin mga paraayam; naraot an siod, asin nakaligtas kita!

Salmo 18:17

Ilinigtas niya ako sa makosog kong mga kaiwal, asin sa gabos na naanggot sakuya; huli ta dai ko kaya an kosog ninda.

Salmo 34:19

Kadakul an tinitios kan matanos, alagad iliniligtas siya nin Kagurangnan sa mga iyan gabos.

Salmo 37:32

Minamasdan kan maraot an tawong matanos asin hinihingowang magadan;

Mga Talinhaga 1:16

An saindang mga bitis nagdadalagan sa paggibo nin karatan, naghihidali sinda sa panggagadan.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Mateo 10:23

Kun pasakitan kamo sa sarong banwa, dumulag kamo sa ibang lugar. Sa katotoohan sinasabihan ko kamo, bago nindo malibot an gabos na banwaan nin Israel, madigdi na an Aki nin Tawo.

Lukas 4:30

Alagad nag-agi siya sa tahaw kan mga tawo asin naghale.

Juan 10:39

Boot giraray nindang dakopon si Jesus, alagad nakadulag siya.

Hebreyo 11:34

sinigbo ninda an naglalaad na kalayo, patin nadulagan ninda an kagadanan sa espada. Mga maluya sinda, alagad nagin mga makosog; mapangyari sinda sa ralaban saka nadaog ninda an mga hukbo kan mga dayuhan.

1 Samuel 18:10

Sunod na aldaw, naglaog ki Saul an sarong marompot na espiritu na hale sa Dios asin nagparakurahaw siya sa laog kan saiyang harong na siring sa sarong bua, mantang nagtutugtog si David sa saiyang arpa, arog kan ginigibo niya aroaldaw. Igwang kapot na garod si Saul asin

1 Samuel 18:11

nagsaboot siya, “Itatadok ko si David sa lanob,” dangan ginarod niya si David nin makaduwang beses, alagad nakalikay si David.

1 Samuel 19:6

Nag-oyon si Saul sa isinabi ni Jonatan asin nanumpa sa ngaran nin Kagurangnan na dai niya gagadanon si David.

1 Samuel 20:33

Alagad ginarod ni Saul si Jonatan tanganing gadanon; kaya naaraman ni Jonatan na talagang gagadanon si David kan saiyang ama.