1 Samuel 18:8 - Marahay na Bareta Biblia

⁸ Dai ini nagustohan ni Saul, asin naanggot siya nin marahay. Nagsabi siya, “Ipinanongod ninda ki David an manampolong ribo, alagad rinibo sana sako. Ano pa an sunod na ipapanongod ninda saiya kundi an kahadean!”

1 Samuel 18:8 ပူးပေါင်းရင်းမြစ်များ

Genesis 37:11

Kaya naori saiya an saiyang mga tugang alagad an bagay na ini pinaghorophorop kan saiyang ama.

Genesis 37:8

Nagsabi sinda saiya, “Sa paghona mo, ika an magigin hade asin kagsakop nyamo?” Kaya orog na naongis sa saiya an saiyang mga tugang huli kan saiyang mga pangatorogan asin mga pinagsasabi.

1 Mga Hade 2:22

“Tadaw ta hinahagad mo na itao ko saiya si Abisag?” an hapot kan hade. “Hagadon mo na man para saiya pati an kahadean huli ta matua ko siyang tugang asin kakampi niya an padi na si Abiatar saka si Joab na aking lalaki ni Zeruias.”

Esther 3:5

Kan mapatotoohan ni Haman na dai nagluhod o nagtaong galang saiya si Mardokeo, naanggot siya nin makuri,

Mga Talinhaga 13:10

An kapaabaw-abawan mayo nin ibubunga kundi iriwal. Sarong kadonongan an paghagad nin hatol.

Mga Talinhaga 27:4

Makuri saka nakakatakot an kaanggotan, alagad siisay an makakatagal sa pag-imon?

Parahulit 4:4

Nasabotan ko man an dahelan kun tano ta nagtatrabaho nin maigot an tawo; an dahelan iyo an pagkaori sa pagsadiri nin iba. Ini mayo nin halaga, asin garo man sana paglamag sa doros.

Mga Bilang 11:1

Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 22:34

Nagsimbag si Balaam, “Nagkasala ako. Dai ko aram na nakatindog ka sa dalan tanganing olangon ako; alagad kun sa paghona mo maraot para sako an magpadagos, mapuli na ako.”

Santiago 4:5

Dai kamo maghona na mayo nin halaga an kasuratan na nagsasabi, “Maimon an Dios manongod sa espiritu na itinao niya sato.”

1 Samuel 13:14

Alagad dai na madanay an saimong kahadean; sinuhay mo an Kagurangnan, kaya mahanap siya nin lalaking naooyonan niya na gigibohon niyang hade kan saiyang banwaan.”

1 Samuel 15:28

Sinabihan siya ni Samuel, “Pinakit na saimo nin Kagurangnan an kahadean nin Israel ngunyan na aldaw asin itinao na sa sarong lalaking mas marahay ki sa saimo.

1 Samuel 16:13

Kinua ni Samuel an lana nin oliba asin linahidan si David sa atubangan kan saiyang mga tugang na lalaki. Nag-abot tolos ki David an espiritu nin Kagurangnan asin nagdanay saiya magpoon kan aldaw na idto. Dangan nagbalik si Samuel sa Rama.

1 Samuel 18:9

Kaya magpoon kaidto, naori si Saul ki David.

1 Samuel 19:1

Sinabihan ni Saul an aki niyang lalaki na si Jonatan asin an gabos niyang opisyal na gadanon si David. Alagad nawilihan ni Jonatan si David,

1 Samuel 20:31

Dai mo aram na mantang buhay si David, dai ka nanggad magigin hade sa dagang ini? Kaya lakaw asin darahon mo siya sako, huli ta kaipuhan magadan siya!”