1 Samuel 18:30 - Marahay na Bareta Biblia

³⁰ Minaabot an mga hukbo kan mga Filisteo tanganing makilaban; alagad sa lambang gera, orog na mapanggana si David ki sa arin man na opisyal ni Saul. Kaya orog na nagin bantog si David.

1 Samuel 18:30 ပူးပေါင်းရင်းမြစ်များ

2 Samuel 11:1

Pakatapos kan tig-lipot na iyo an panahon na ipinagduduman sa gera kan mga hade. Sa panahon na iyan, pinalakaw ni David si Joab kaiba an saiyang mga opisyal asin an hukbo nin Israel; dinaog ninda an mga Ammonita asin pinalibotan an syudad nin Rabba. Alagad nagpawalat si David sa Jerusalem.

2 Samuel 7:9

Inibahan taka saen ka man nagduman, asin dinaog ko an gabos mong kaiwal mantang nagdadangadang ka. Gigibohon kong magin bantog an saimong ngaran, arog kan ngaran kan mga darakulang lider sa kinaban.

2 Mga Hade 1:13

Nagsugo giraray an hade nin sarong opisyal na may kaibahan na singkwentang soldados. Nagtukad sa bulod an opisyal, nagluhod sa atubang ni Elias, dangan nakimaherak, “Sorogoon nin Dios, nakikimaherak ako saimo, pahalagahan mo logod an sakong buhay asin an buhay kan sakong mga soldados.

Salmo 116:15

Makulog para sa Kagurangnan kun nagagadan an saro kan saiyang mga banal!

Salmo 119:99

Orog akong may pakasabot ki sa gabos kong maestro, huli ta an saimong mga katukdoan an sakong hinohorophorop.

Mga Talinhaga 12:8

Inoomaw an sarong tawo huli sa saiyang kadonongan, alagad isinisikwal an tawong may bikong kaisipan.

Daniel 1:20

Maski anong hapot o problema an itao kan hade, an apat na ini iyo an may sampolong beses na naaaraman ki sa arin man na parahula o salamangkero sa bilog niyang kahadean.

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Efeso 5:15

Kaya mag-ingat kamo sa saindong pamumuhay. Mamuhay kamo siring sa mga madonong, bakong siring sa mga tawong mangmang.

1 Pedro 2:4

Dumolok kamo sa Kagurangnan, sa buhay na gapong isinikwal kan mga tawo, alagad pinili nin Dios bilang mahalaga para saiya.

1 Pedro 2:7

An gapong iyan pinakamahalaga para saindong mga nagtutubod; alagad para sa mga dai nagtutubod, “An mismong gapo na isinikwal kan mga paratugdok, iyo an nagin patugmadan na gapo.”

1 Samuel 18:29

Kaya orog na natakot siya saiya. Nagin kaiwal ni Saul si David sagkod na nabubuhay pa siya.

1 Samuel 18:5

Nagin mapanggana si David saen man na gera siya ipinadara ni Saul, kaya ginibo siyang opisyal ni Saul sa saiyang hukbo. Ikinaogma ini kan mga opisyal asin kan mga tawohan ni Saul.

1 Samuel 19:8

Nagkaigwa giraray nin gera laban sa mga Filisteo. Sinalakay ni David an mga Filisteo asin dinaog; dakul an saiyang nagadan, kaya nagdulag an iba.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.

1 Samuel 26:21

Nagsimbag si Saul, “Nagkasala ako. Magbalik ka David, aki ko! Dai na ako mag-iisip na gadanon ka, huli ta dai mo ako ginadan ngunyan na banggi. Nagin lolong ako, asin dakula an ginibo kong karatan!”

1 Samuel 26:24

Siring na pinahalagahan ko an saimong buhay ngunyan na aldaw, pahalagahan man logod nin Kagurangnan an sakong buhay; irayo niya logod ako sa gabos na karatan!”