1 Samuel 18:25 - Marahay na Bareta Biblia

²⁵ Pinagbotan sinda ni Saul na sabihan si David, “Dai man nagmamawot nin dote sa kasal an hade; an boot sana niya iyo an sanggatos na kaputol na kublit kan kinabuhay kan mga Filisteo, tanganing makabalos siya sa saiyang mga kaiwal.” (Iyo ini an plano ni Saul tanganing magadan si David kan mga Filisteo.)

1 Samuel 18:25 ပူးပေါင်းရင်းမြစ်များ

Genesis 29:18

Namoot si Jacob ki Rachel, kaya nagsabi siya ki Laban, “Malingkod ako saimo sa laog nin pitong taon kun ipaagom mo sako an ngohod mong aking si Rachel.”

Genesis 34:12

Sabihan nindo sako an ano man na regalo saka dote sa kasal, asin itatao ko saindo, kun tugotan nindo akong agomon siya.”

2 Samuel 3:14

Nagpadara man nin sugo si David ki Isboset tanganing magsabing, “Balikan sako an agom kong si Mical. Nagbayad akong sanggatos na kublit kan mga kinabuhay kan lalaking mga Filisteo tanganing maagom ko siya.”

Josue 5:3

Sinunod ni Josue an ipinagboot nin Kagurangnan. Sinerkomsisyon niya an mga Israelita duman sa Gibeat-haaralot.

1 Samuel 14:24

Maluluya na an mga Israelita kan aldaw na idto, huli ta nagboot si Saul: “Maldisyonon an siisay man na magkakan nin ano man sa aldaw na ini bago ako makabalos sa sakong mga kaiwal.” Kaya mayo nin siisay man na nagkakan kan aldaw na idto.

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”

1 Samuel 17:36

Dakul na an sakong nagadan na leon asin oso; arog kaiyan an gigibohon ko sa bakong sirkomsisyonado na Filisteong iyan na nagtindog laban sa hukbo kan buhay na Dios.

1 Samuel 18:17

Dangan nagsabi si Saul ki David, “Uya an matua kong aking babae na si Merab. Itatao ko siya saimo bilang agom bastang paglingkodan mo ako bilang sarong maisog asin maimbod na soldados, saka ipaglalaban mo an mga gera nin Kagurangnan.” (Nagsaboot si Saul na sa paaging ini, magagadan si David sa kamot kan mga Filisteo, asin dai na niya kaipuhan na gibohon pa iyan.)

1 Samuel 18:24

Inosip kan mga opisyal ki Saul an sinabi ni David.

1 Samuel 19:1

Sinabihan ni Saul an aki niyang lalaki na si Jonatan asin an gabos niyang opisyal na gadanon si David. Alagad nawilihan ni Jonatan si David,