1 Samuel 18:21 - Marahay na Bareta Biblia

²¹ Nagsaboot si Saul, “Itatao ko si Mical ki David; siya an gagamiton ko sa pagsiod ki David, tanganing magadan si David kan mga Filisteo. Kaya sa ikaduwang beses, sinabihan ni Saul si David. “Magigin manugang taka.”

1 Samuel 18:21 ပူးပေါင်းရင်းမြစ်များ

Salmo 38:12

Mga litag ibinubugtak kan mga boot sakong gumadan, an mga boot magkulog sako nagsasabi nin karatan; sa maghapon, an pagpasaluib sako iyo an kamawotan.

Exodo 10:7

Sinabihan an hade kan saiyang mga opisyal, “Sagkod nuarin kita riribokon kan tawong ini? Tugote nang humale an mga lalaking Israelita tanganing makapagsamba sinda sa Kagurangnan na saindang Dios. Dai mo pa nahihiling na raot na an Egipto?”

Mga Talinhaga 29:5

An tawong sagin-sagin na nag-oomaw sa saiyang mga katood, nagbubugtak nin litag para sa saiya man sana.

Jeremias 5:26

“Nag-eerok sa tahaw kan sakong banwaan an mga maraot na tawo; nanghihipa sinda arog kan mga tawong nagbibiklad nin hikot tanganing magdakop nin mga gamgam, alagad an litag na ibinugtak ninda pandakop nin tawo.

Jeremias 9:8

An saindang dila garo bosog nin pana na nakakagadan; danay sindang nagsasabi nin kaputikan. An lambang saro nagtataram nin magayon sa saiyang kanatad, alagad an totoo, nagbubugtak siya nin siod para saiya.

1 Samuel 18:17

Dangan nagsabi si Saul ki David, “Uya an matua kong aking babae na si Merab. Itatao ko siya saimo bilang agom bastang paglingkodan mo ako bilang sarong maisog asin maimbod na soldados, saka ipaglalaban mo an mga gera nin Kagurangnan.” (Nagsaboot si Saul na sa paaging ini, magagadan si David sa kamot kan mga Filisteo, asin dai na niya kaipuhan na gibohon pa iyan.)

1 Samuel 18:22

Pinagbotan ni Saul an saiyang mga opisyal na hilom na kaolayon si David asin sabihan, “Nawiwilihan ka kan hade asin kan gabos niyang opisyal; ngunyan an tamang panahon tanganing agomon mo an saiyang aki.”

1 Samuel 18:26

Kan sabihan si David kan mga opisyal kun ano an sinabi ni Saul, naogma si David na magin manugang kan hade. Bago nag-abot an talaan na aldaw kan kasal,