1 Samuel 18:17 - Marahay na Bareta Biblia

¹⁷ Dangan nagsabi si Saul ki David, “Uya an matua kong aking babae na si Merab. Itatao ko siya saimo bilang agom bastang paglingkodan mo ako bilang sarong maisog asin maimbod na soldados, saka ipaglalaban mo an mga gera nin Kagurangnan.” (Nagsaboot si Saul na sa paaging ini, magagadan si David sa kamot kan mga Filisteo, asin dai na niya kaipuhan na gibohon pa iyan.)

1 Samuel 18:17 ပူးပေါင်းရင်းမြစ်များ

2 Samuel 11:15

An sabi niya sa surat: “Bugtakan si Urias sa enotan, sa lugar na makuri an ralaban, dangan dulagan mo siya asin pabayaan na magadan.”

2 Samuel 12:9

Tadaw ta sinuhay mo an sakong mga pagboot? Tadaw ta ginibo mo an karatan na ini? Ipinagadan mo sa ralaban si Urias na Heteo; pinabayaan mo siyang magadan kan mga Ammonita dangan kinua mo an saiyang agom!

2 Samuel 6:16

Mantang dinadara palaog sa syudad an Kaban nin Tipan, nagdungaw sa bintana si Mical na aking babae ni Saul asin nahiling niya si Hadeng David na nagsasayaw saka naglulukso sa atubangan nin Kagurangnan; nauyam si Mical ki Hadeng David.

Salmo 12:2

An lambang saro nagpuputik sa saiyang kapwa; an saindang dila asin puso pano nin kaputikan.

Salmo 55:21

An saiyang mga tataramon mahalnas pa ki sa mantika, alagad gera an nasa puso niya; an saiyang mga tataramon malumoy pa ki sa lana, alagad matarom siring sa espada.

Mga Talinhaga 26:24

An pagkaongis itinatago kan parasagin-sagin sa likod nin magagayon na tataramon.

Mga Talinhaga 26:25

Marahay iyan pagdangogon alagad dai ka magtubod saiya, huli ta an puso niya pano nin kaanggotan.

Mga Talinhaga 26:26

Pwede niyang matahoban an saiyang kaanggotan, alagad mahihiling kan gabos an maraot niyang mga gibo.

Mga Bilang 21:14

Kaya nasusurat sa Libro kan mga Pakigera nin Kagurangnan, “An banwaan nin Waheb sa Sufa asin an mga kapantayan nin Arnon,

Mga Bilang 32:20

Nagsimbag si Moises, “Kun tudok sa boot nindo an saindong sinabi, digdi sa atubangan nin Kagurangnan mag-andam kamo sa pakigera.

Mga Bilang 32:27

Alagad andam kami gabos sa pakigera. Mabalyo kami sa Jordan asin makikilaban, siring kan sinabi mo.”

Mga Bilang 32:29

“Kun bumalyo sa Jordan an mga aking lalaki ni Gad asin ni Ruben na andam para sa gera sa pagboot nin Kagurangnan, asin kun sa saindang tabang masakop nindo an daga, itao nindo sainda an daga nin Gilead bilang saindang kahirasan.

Deuteronomio 17:7

An mga saksi iyo an enot na magapo saiya dangan masunod an iba; sa siring na paagi, mahahale sa saindo an karatan na iyan.

1 Samuel 14:49

An mga aking lalaki ni Saul iyo si Jonatan, si Isvi, asin si Malkisua. An matuang aki niyang babae iyo si Merab; an ngohod iyo si Mical.

1 Samuel 17:25

Nagsarabi an mga Israelita, “Hilinga siya! Dangoga an saiyang pag-angat! Nangako si Hadeng Saul na tatawan nin dakulang premyo an siisay man na makagadan ki Goliat; itatao man kan hade sa makagadan an saiyang aking babae tanganing magin agom, asin dai na papabayadon nin buhis an saiyang pamilya.”

1 Samuel 17:36

Dakul na an sakong nagadan na leon asin oso; arog kaiyan an gigibohon ko sa bakong sirkomsisyonado na Filisteong iyan na nagtindog laban sa hukbo kan buhay na Dios.

1 Samuel 17:47

Mahihiling kan gabos na uya digdi na nagliligtas an Kagurangnan bako sa paagi nin espada o garod. Mapanggana siya sa gera, asin ibubugtak niya kamo gabos sa samong mga kamot.”

1 Samuel 18:21

Nagsaboot si Saul, “Itatao ko si Mical ki David; siya an gagamiton ko sa pagsiod ki David, tanganing magadan si David kan mga Filisteo. Kaya sa ikaduwang beses, sinabihan ni Saul si David. “Magigin manugang taka.”

1 Samuel 18:25

Pinagbotan sinda ni Saul na sabihan si David, “Dai man nagmamawot nin dote sa kasal an hade; an boot sana niya iyo an sanggatos na kaputol na kublit kan kinabuhay kan mga Filisteo, tanganing makabalos siya sa saiyang mga kaiwal.” (Iyo ini an plano ni Saul tanganing magadan si David kan mga Filisteo.)

1 Samuel 18:27

naglakaw si David asin an saiyang mga tawohan dangan ginaradan an duwang gatos na Filisteo. Dinara niya sa hade an mga kaputol na kublit kan mga kinabuhay ninda, asin duman binilang niya gabos sa atubangan kan hade tanganing magin manugang siya ni Saul. Itinao ni Saul an saiyang aking babae na si Mical bilang agom ni David.

1 Samuel 25:28

Patawadon mo ako kan ano man na kasalan na naginibo ko. Gigibohon kang hade nin Kagurangnan, asin an saimong mga kapagarakian, huli ta nakikilaban ka kan saiyang mga gera; mayong makukuang karatan saimo mantang buhay ka.

1 Samuel 30:26

Kan magbalik si David sa Ziklag, ipinadara niya an ibang sinamsam sa saiyang mga katood, an mga kamagurangan nin Juda, kaiba an mensaheng ini, “Uya an sarong regalo para saindo hale sa sinamsam na samong kinua sa mga kaiwal nin Kagurangnan.”