1 Samuel 18:1 - Marahay na Bareta Biblia

¹ Pakatapos kan pag-olay ni David asin ni Saul, nawili nin marahay ki David si Jonatan na aking lalaki ni Saul asin namoot saiya siring kan pagkamoot niya sa saiyang sadiri.

1 Samuel 18:1 ပူးပေါင်းရင်းမြစ်များ

Genesis 44:30

“Kaya, kagurangnan,” an padagos ni Juda, “kun ako magpuli sa sakong ama na dai kaiba an aki, sa oras na dai siya mahiling kan sakong ama, magagadan siya. Yaon sa buhay kan aki an buhay kan samong ama, asin huli ta gurang na siyang marahay, an kamondoan na dadarahon mi saiya iyo an magadan saiya.

2 Samuel 1:26

“Nagtatangis ako para saimo, tugang kong Jonatan; namotan taka nin marahay! Makangangalas an saimong pagkamoot sako, orog pa ki sa pagkamoot nin mga babae.

1 Mga Cronica 12:17

Nagluwas si David asin sinabat sinda dangan sinabihan, “Kun napadigdi kamo bilang mga katood sa pagtabang sako, inaako ko kamo. Alagad kun iniisip nindong ipasaluib ako sa akong mga kaiwal, maski mayo man ako nin sala, maiisihan iyan kan Dios nin satong mga ginikanan, asin papadusahan niya kamo.”

Salmo 86:11

Kagurangnan, itukdo mo sako an saimong dalan, tanganing maglakaw ako sa saimong katotoohan, bilog na pusong matakot sa saimong ngaran.

Mga Talinhaga 18:24

May pagkakatood na dai naghahaloy, alagad may katood na labi pa sa tugang.

Deuteronomio 13:6

“Kun an saindong tugang o an aki nindong lalaki o babae, o an namomotan nindong agom o an saindong nangongorog na katood, hilom na magdagka saindo na magsamba sa ibang mga dios na dai pa nindo sinamba asin kan saindong mga ginikanan,

Colosas 2:2

Ginigibo ko ini tanganing kumosog an saindang boot saka mabugkos sinda sa pagkamoot. Sa siring na paagi magkakaigwa sinda kan bilog na kayamanan nin pakasabot saka pakaaram ki Cristo na iyo an misteryo nin Dios.

Hukom 20:11

Kaya nagtiripon an bilog na kalalakihan nin Israel na igwa nin saro sanang katuyohan—tanganing salakayon an banwa nin Gibea.

1 Samuel 14:45

Alagad nagsarabi an mga tawo ki Saul, “Tama daw na gadanon si Jonatan na nakaginibo kaining dakulang kapangganahan para sa Israel? Dai! Sagkod na buhay an Kagurangnan, minasumpa kami na mayo nin mararakdag na buhok sa payo ni Jonatan, maski saro. An ginibo niya ngunyan na aldaw nangyari huli sa tabang nin Dios.” Kaya ilinigtas kan mga tawo si Jonatan sa kagadanan.

1 Samuel 18:3

Nagsumpa si Jonatan kan saiyang daing tapos na pakikitood ki David huli ta namotan niya si David siring kan pagkamoot niya sa saiyang sadiri.

1 Samuel 19:1

Sinabihan ni Saul an aki niyang lalaki na si Jonatan asin an gabos niyang opisyal na gadanon si David. Alagad nawilihan ni Jonatan si David,

1 Samuel 19:2

kaya sinabihan niya ini, “Boot kang gadanon kan sakong ama, kaya maglikay ka sa aga; magduman ka sa sarong tagong lugar.

1 Samuel 20:17

Pinasumpa giraray ni Jonatan si David na mamotan siya, huli ta namotan niya si David siring kan pagkamoot niya sa saiyang sadiri.

1 Samuel 20:8

Kaya nakikimaherak ako saimo, na otobon mo an banal mong panuga sako. Alagad kun igwa akong kasalan, ika na mismo an gumadan sako! Tano ta kaipuhan pang darahon mo ako sa saimong ama?”

1 Samuel 22:8

Bakong iyo iyan an dahelan kun tano ta nag-iisip kamong labanan ako? Mayo nin saro man saindo na nagsumbong sako na an sadiri kong aking lalaki nakipagtipan ki David. Mayo nin saro man saindo na nagmamakulog sako o nagsasabi na sa mga oras na ini, si David na saro kan sakong mga tawohan, naghahalat kan tamang panahon tanganing gadanon ako, asin an sadiri kong aki iyo pa an nagdagka saiya!”

1 Samuel 23:18

Dangan naggibo sindang duwa nin tipan sa atubangan nin Kagurangnan. Pakatapos, nagpuli sa saiyang harong si Jonatan, alagad nagpawalat si David sa Hores.