1 Samuel 17:8 - Marahay na Bareta Biblia

⁸ Nagtindog si Goliat asin nagkurahaw sa mga Israelita, “Ano an itinitindog nindo diyan na garo makikilaban? Saro akong Filisteo, asin mga oripon kamo ni Saul! Magpili kamo nin sarong lalaki na malaban sako.

1 Samuel 17:8 ပူးပေါင်းရင်းမြစ်များ

2 Samuel 11:11

Nagsimbag si Urias, “Nasa gera an kalalakihan nin Israel saka Juda, asin an Kaban nin Tipan yaon sa kaibahan ninda; an sakong pamayo na si Joab, siring man an saiyang mga opisyal nagkakampo sa kahiwasan. Mapuli daw ako sa sakong harong tanganing magkakan, mag-inom, asin magdorog sa sakong agom? Sa ngaran kan gabos na banal, isinusumpa ko na dai ko iyan magigibo!”

1 Mga Cronica 21:3

Nagsimbag si Joab, “Gibohon logod nin Kagurangnan na magdakul pa nin sanggatos na beses an bilang ngunyan kan namamanwaan sa Israel! Mahal na Hade, mga sorogoon mo sinda gabos. Tadaw ta boot mong gibohon ini? Tadaw ta boot mong magkasala an bilog na nasyon?”

1 Samuel 17:23

Mantang nakikiolay siya sainda, nagpaenotan si Goliat asin inangat na naman an mga Israelita siring kan dati. Nadangog siya ni David.

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”

1 Samuel 8:17

Kukuahon niya an ikasampolong kabtang kan saindong mga hayop, asin magigin mga oripon niya kamo.