1 Samuel 17:50 - Marahay na Bareta Biblia

⁵⁰ Kaya maski mayo nin espada, nadaog asin nagadan ni David si Goliat na an ginamit saro sanang lagpitaw asin sarong gapo.

1 Samuel 17:50 ပူးပေါင်းရင်းမြစ်များ

Hukom 15:15

Dangan nakanumpong siya nin sarong panga nin asno na bago pa sanang magadan. Pinurot niya ini asin ginamit sa paggadan sa sangribong Filisteo.

Hukom 3:31

An suminunod saiya iyo si Samgar na aking lalaki ni Anat. Ilinigtas man niya an Israel kan gadanon niya an seis syentos na Filisteo sa paagi kan saiyang sugkod na pang-alaw sa mga baka.

1 Samuel 13:22

Kaya kan aldaw na magkagera, mayo nin saro man sa mga soldados na Israelita an igwang espada o garod; si Saul asin si Jonatan sana an igwa.

1 Samuel 17:39

Itinakod ni David an espada ni Saul sa saiyang gubing na panggera asin nagbalong maglakaw, alagad dai siya nakalakaw huli ta bako siyang tood na magsulot kan mga idto. Dangan nagsabi si David ki Saul, “Dai ako pwedeng makilaban na sulot an mga ini; bako akong tood.” Kaya hinuba niya idto.

1 Samuel 17:49

Ilinaog ni David sa bag an saiyang kamot, dangan kuminua nin sarong gapo asin ilinagpitaw idto. Tinamaan si Goliat sa angog asin luminubong duman an gapo. Palaob na natumba si Goliat sa daga.

1 Samuel 17:51

Nagdalagan si David pasiring ki Goliat, nagtindog sa likod kaini, hinugot sa sarongan an espada dangan pinugotan nin payo na iyo an ikinagadan kan Filisteo. Kan mahiling kan mga Filisteo na gadan na an saindang numero unong paralaban, nagdurulag sinda.

1 Samuel 19:5

Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”

1 Samuel 21:9

Nagsimbag si Ahimelec, “Uya digdi an espada ni Goliat na Filisteo, na saimong ginadan sa Kapantayan nin Ela; yaon sa likod kan efod, napapatos nin yamit. Kun boot mo, daraha; huli ta iyo sana iyan an armas digdi.” “Tawan sako,” an simbag ni David. “Mayo nang maorog pang espada saen man na lugar, ki sa espadang iyan.”

1 Samuel 23:21

Nagsimbag si Saul, “Bendisyonan logod kamo nin Kagurangnan huli ta naherak kamo sako!