1 Samuel 17:49 - Marahay na Bareta Biblia

⁴⁹ Ilinaog ni David sa bag an saiyang kamot, dangan kuminua nin sarong gapo asin ilinagpitaw idto. Tinamaan si Goliat sa angog asin luminubong duman an gapo. Palaob na natumba si Goliat sa daga.

1 Samuel 17:49 ပူးပေါင်းရင်းမြစ်များ

1 Mga Hade 22:34

alagad sarong soldados an nagpana, asin dai tuyong tinamaan si Hadeng Ahab sa lugar na pinagsugponan kan saiyang gubing na panggera. Kaya nagkurahaw siya sa nagpapadalagan kan saiyang karwahe, “Umatras ka asin humale sa ralaban, huli ta nalugadan ako!”

2 Mga Hade 9:24

Alagad pinana siya ni Jehu. Tinamaan siya sa likod asin luminagbas sa saiyang puso an bosog. Gadan na natumba si Joram sa laog kan saiyang karwahe.

1 Samuel 17:48

Kan orog na magharani ki David si Goliat, hidaling nagdalagan si David pasiring sa lugar na paglalabanan tanganing sabaton siya.

1 Samuel 17:50

Kaya maski mayo nin espada, nadaog asin nagadan ni David si Goliat na an ginamit saro sanang lagpitaw asin sarong gapo.

1 Samuel 19:5

Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”