1 Samuel 17:44 - Marahay na Bareta Biblia

⁴⁴ Nagsabi siya ki David, “Madya na asin itatao ko an saimong hawak sa mga gamgam asin sa mga hayop.”

1 Samuel 17:44 ပူးပေါင်းရင်းမြစ်များ

2 Samuel 21:10

Dangan nagkua nin sako si Rizpa na aking babae ni Aia, asin ginibo ining lindongan niya sa ibabaw nin gapo na namumugtakan kan mga bangkay; duman siya nag-erok poon kan magpoon an pag-ani sagkod sa tig-uran. Kun aldaw, inaalaw niya an mga gamgam, asin kun banggi, dai niya pinaparani sa mga bangkay an lalaw na mga hayop.

Mga Talinhaga 18:12

Mapalangkaw an tawo kun dai pa naabot an kapahamakan, alagad an dalan pasiring sa kaomawan iyo an kapakumbabaan.

Jeremias 34:20

Itatao ko sinda sa mga kaiwal ninda, na boot gumadan sainda, asin an bangkay ninda kakakanon kan mga gamgam asin kan mga lalaw na hayop.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Kapahayagan 19:17

Dangan nahiling ko an sarong anghel na nagtitindog sa aldaw. Nagkurahaw siya sa gabos na gamgam na naglalayog sa kaitaasan, “Madya, magtiripon kamo para sa dakulang bangkete nin Dios!

1 Samuel 14:12

Kinurahawan ninda si Jonatan asin an kaiba niya, “Sakat kamo digdi! Igwa kaming ipapahiling saindo!” Sinabihan ni Jonatan an saiyang kaiba, “Magsunod ka sako. Papaganahon na nin Kagurangnan an Israel laban sainda.”

1 Samuel 17:46

Ngunyan man sanang aldaw, itatao ka nin Kagurangnan sa sakong kamot; dadaogon taka asin pupugoton ko an saimong payo. Itatao ko sa mga gamgam asin sa mga hayop an mga bangkay kan mga Filisteong soldados. Dangan maaaraman kan bilog na daga na igwa nin sarong Dios an Israel.