1 Samuel 17:43 - Marahay na Bareta Biblia

⁴³ Nagsabi si Goliat ki David, “Ano ako, ayam, kun kaya nagdigdi ka na may darang pamakol?” Dangan pinagmaldisyon niya si David sa ngaran kan saiyang mga dios-dios.

1 Samuel 17:43 ပူးပေါင်းရင်းမြစ်များ

Genesis 27:29

Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”

2 Samuel 16:5

Pag-abot ni Hadeng David sa Bahurim, nagluwas sa pagsabat saiya an saro sa mga kadugo ni Saul, na an ngaran Simei, na aking lalaki ni Gera. Minamaldisyon niya si David mantang naglalakaw

2 Samuel 16:9

Nagsabi sa hade si Abisai, na aki ni Zeruias, “Mahal na hade, tadaw ta pinapabayaan mong maldisyonon ka kan ayam na iyan? Padumana ako asin pupugotan ko siya!”

2 Samuel 3:8

Naanggot nin makuri si Abner, “Sa paghona mo papasaluiban ko si Saul? Ano ako, naglilingkod sa Juda? Poon pa sa kapinonan, ako nagin maimbod sa saimong ama na si Saul, sa saiyang mga tugang, asin sa saiyang mga katood. Ilinigtas taka sa mga kamot ni David, alagad ngunyan tinatawan mo ako nin sala huli sa sarong babae!

2 Samuel 9:8

Nagduko giraray si Mefiboset dangan nagsabi, “Kagurangnan, ako garo sarong gadan na ayam! Tadaw ta marahayon ka sako?”

1 Mga Hade 20:10

hale ki Ben-hadad: “Madara ako nin dakul na lalaki na magaba kan syudad mong ini, dakul na lalaki na pwedeng magdara sa saindang mga kamot kan gabos na alpog nin Samaria. Gadanon logod ako kan mga dios kun dai ko gibohon ini!”

2 Mga Hade 8:13

“Siisay ako na magibo kan mangirhat na bagay na iyan?” an hapot ni Hazael. “Ipinahiling sako nin Kagurangnan na magigin hade ka nin Siria,” an simbag ni Eliseo.

Mga Talinhaga 26:2

An mga maldisyon na bakong maninigo dai nagkakatotoo. Arog iyan sa gamgam na naglalayog asin dai nanggad minatugdon.

Mga Bilang 22:6

Dumigdi ka tolos asin maldisyon mo sinda, huli ta mas dakul sinda ki sa samo; tibaad pa madaog mi sinda asin mapalayas sa daga. Aram kong nabebendisyonan an benebendisyonan mo asin namamaldisyonon an minamaldisyon mo.”

Hukom 9:27

Nagduman sinda gabos sa saindang mga ubasan, nagguno nin ubas asin ginibo nindang arak dangan nagpyesta sinda. Nagduman sinda sa templo kan saindang dios-dios saen nagkarakan sinda asin nag-irinom, patin linibak ninda si Abimelec.

1 Samuel 14:12

Kinurahawan ninda si Jonatan asin an kaiba niya, “Sakat kamo digdi! Igwa kaming ipapahiling saindo!” Sinabihan ni Jonatan an saiyang kaiba, “Magsunod ka sako. Papaganahon na nin Kagurangnan an Israel laban sainda.”

1 Samuel 24:14

Siisay an pinaghahanap kan hade nin Israel tanganing gadanon? Hilinga kun ano an saiyang pinaglalamag! Sarong gadan na ayam, sarong purgas!

1 Samuel 24:15

An Kagurangnan iyo an maghuhukom, asin siya an masentensiya kun siisay sato an sala. Siyasaton logod niya an bagay na ini, surogon ako, asin iligtas saimo.”