1 Samuel 17:32 - Marahay na Bareta Biblia

³² Nagsabi si David ki Saul, “Mayo nin siisay man na dapat matakot sa Filisteong iyan! Ako an maduman asin makikilaban saiya.”

1 Samuel 17:32 ပူးပေါင်းရင်းမြစ်များ

Salmo 3:6

Dai ako matatakot sa rinibong mga kaiwal, na nakapalibot tumang sako.

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Isaias 7:4

Sabihan mo siyang magin andam, na dai mahandal o matakot o manluya an boot, huli ta an kaanggotan ni Hadeng Rezin kaiba an mga Siro asin ni Hadeng Peka garo sana duwang nag-aasong pungo.

Mga Bilang 13:30

Pinakaalo ni Caleb an mga tawo na nakapalibot ki Moises dangan nagsabi, “Salakayon na nyato ngunyan asin sakopon an daga; kaya tang sakopon idto.”

Mga Bilang 14:9

Dai kamo magtumang sa Kagurangnan. Dai man kamo matakot sa mga nag-eerok duman huli ta madali ta sindang madaog. Kaiba ta an Kagurangnan asin nadaog na niya an mga dios-dios na nagsusurog sainda; kaya dai kamo matakot.”

Hebreyo 12:12

Kaya iitaas nindo an mga maluya nindong kamot asin pakosogon an mga pinanluluya nindong mga tuhod.

Josue 14:12

Kaya itao mo sako ngunyan an mabulod na daga na ipinanuga sako nin Kagurangnan kan aldaw na ako asin an mga kairiba ko nagpahayag manongod sa ginibo ming pagsiyasat. Sinabihan mi kamo kaidto na an rasa kan mga higanteng Anakim yaon duman sa mga syudad na napapalibotan nin kudal. Tibaad ibahan ako nin Kagurangnan, asin mapahale ko sinda siring sa itinaram nin Kagurangnan.”

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”

1 Samuel 16:18

Nagsabi an saro kan saiyang mga katabang, “Nahiling kong marahay magtugtog an sarong aking lalaki ni Jesse na taga Betlehem. Saro man siyang maisog asin gwapong lalaki, sarong marahay na soldados, asin marahay magtaram. Yaon saiya an Kagurangnan.”

1 Samuel 17:31

Kan madangog kan nagkapirang kalalakihan an sinabi ni David, isinumbong siya ninda ki Saul; ipinaapod siya ni Saul.