1 Samuel 17:25 - Marahay na Bareta Biblia

²⁵ Nagsarabi an mga Israelita, “Hilinga siya! Dangoga an saiyang pag-angat! Nangako si Hadeng Saul na tatawan nin dakulang premyo an siisay man na makagadan ki Goliat; itatao man kan hade sa makagadan an saiyang aking babae tanganing magin agom, asin dai na papabayadon nin buhis an saiyang pamilya.”

1 Samuel 17:25 ပူးပေါင်းရင်းမြစ်များ

Esdras 7:24

Ipinapaisi ko man saindo na ipinapangalad an pagkolekta nin buhis sa mga padi, sa mga Levita, sa mga paratugtog sa Templo, sa mga bantay, sa mga sorogoon sa Templo, o sa kiisay man na sorogoon sa Templong ini nin Dios.

Mateo 17:26

“An mga dayuhan,” an simbag ni Pedro. “Kun siring,” an sabi ni Jesus, “an mga namamanwaan dai dapat pagsingilon.

Josue 15:16

Nagsabi si Caleb, “Ipapakasal ko an aki kong si Acsa sa lalaking makakasakop kan Kiriat-sefer.”

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.

Kapahayagan 3:12

An mga manggagana gigibohon kong garo harigi sa templo kan sakong Dios; dai na nanggad sinda mahale diyan. Isusurat ko sa mga hariging iyan an ngaran kan sakong Dios saka an ngaran kan syudad kan sakong Dios, an bagong Jerusalem na maibaba hale sa langit, hale sa sakong Dios. Isusurat ko man sa mga iyan an sakong bagong ngaran.

Kapahayagan 3:21

An mga manggagana kataed kong patutukawon sa sakong trono, arog sako na nanggana, kaya ngunyan nagtutukaw ako kataed kan sakong Ama sa saiyang trono.

Kapahayagan 3:5

An mga manggagana gugubingan man nin puti, saka dai ko paparaon an saindang ngaran sa libro nin buhay. Mimidbidon ko sinda sa atubang kan sakong Ama asin kan saiyang mga anghel.

1 Samuel 17:24

Kan mahiling kan mga Israelita si Goliat, nagdurulag sinda sa takot.

1 Samuel 17:27

Sinabihan ninda si David kan gigibohon para sa kiisay man na makagadan ki Goliat.