1 Samuel 17:20 - Marahay na Bareta Biblia

²⁰ Sunod na aldaw, amay na nagbangon si David, pinabantayan sa iba an mga karnero, dinara an pagkakan asin naglakaw siring kan ipinagboot saiya ni Jesse. Nag-abot sa kampo si David mantang nagpapasiring sa saindang pwesto an mga Israelita asin nagkukurahaw nin pakigera.

1 Samuel 17:20 ပူးပေါင်းရင်းမြစ်များ

Lukas 19:43

Huli ta maabot an panahon na papalibotan ka nin mga olang kan mga kaiwal mo, tatalikopan ka ninda asin lalaomon.

Josue 3:1

Sunod na aldaw, amay na nagbangon an mga Israelita. Naghale sinda sa Sittim asin nagpasiring sa Jordan. Nagkampo sinda digdi bago nagbalyo.

1 Samuel 15:12

Kan sunod na aldaw, amay na nagmata si Samuel sa pagsabat ki Saul. Nabaretaan niya na nagduman si Saul sa Carmelo, sa lugar na pinatindogan niya nin sadiring monumento, dangan nagdagos sa Gilgal.

1 Samuel 17:19

Si Hadeng Saul, an saimong mga tugang, asin an gabos na kalalakihan nin Israel, yaon duman sa Kapantayan nin Ela, nakikilaban sa mga Filisteo.”

1 Samuel 17:21

An mga Israelita asin an mga Filisteo naghampangan sa pakigera, hukbo laban sa hukbo.

1 Samuel 17:28

Nadangog ni Eliab, an matuang tugang ni David, na nakikiolay si David sa kalalakihan. Naanggot siya ki David asin nagsabi, “Ano an ginigibo mo digdi? Siisay an winalatan mo kan mga karnero na nasa kalangtadan? Aram ko an nasa isip mo asin an karatan kan puso mo! Nagdigdi ka sana tanganing maghiling kan ralaban!”

1 Samuel 26:5

Nagduman tolos si David sa pinagkampohan ni Saul asin nahiling niya an lugar na tinotorogan ni Saul saka ni Abner na aking lalaki ni Ner, an pamayo kan hukbo ni Saul. Nagkakatorog sa laog kan kampo si Saul, asin napapalibotan siya kan saiyang mga tawohan.

1 Samuel 26:7

Kaya kan bangging idto, linaog ni David saka ni Abisai an kampo ni Saul asin nanumpongan ninda siyang nagkakatorog sa tahaw kan kampo; sa may pamayohan niya, nakatusok sa daga an saiyang garod. Si Abner asin an mga soldados nagkakatorog sa palibot ni Saul.