1 Samuel 17:12 - Marahay na Bareta Biblia

¹² Si David iyo an aking lalaki ni Jesse na sarong Efratita na taga Betlehem sa Juda. Walo an aking lalaki ni Jesse, asin kan panahon nin paghade ni Saul, gurang na nin marahay si Jesse.

1 Samuel 17:12 ပူးပေါင်းရင်းမြစ်များ

Genesis 35:19

Nagadan si Rachel asin ilinubong sa may dalan pasiring sa Efrat (na ngunyan inaapod Betlehem).

2 Samuel 23:1

Pinangagin dakula nin Dios si David na aking lalaki ni Jesse. Siya an pinili kan Dios ni Jacob na magin hade asin siya an naggibo nin magayon na mga awit para sa Israel. Ini an mga huring tataramon ni David:

Salmo 132:6

Sa Betlehem nabaretaan mi an manongod sa Kaban nin Tipan, asin nakua mi ini sa kaomahan nin Jearim.

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mateo 1:6

si Jesse iyo an ama ni Hadeng David. Si David ama ni Solomon (an saiyang ina dating agom ni Urias);

Mateo 2:1

Namundag si Jesus sa Betlehem nin Judea, kan si Herodes an hade. Dai nahaloy, nag-abot sa Jerusalem an mga mago hale sa sirangan.

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Ruth 4:17

Nagsarabi an mga babaeng kanatad, “Sarong aking lalaki an namundag ki Naomi!” An aki nginaranan nindang Obed. Si Obed an nagin ama ni Jesse na ama ni David.

1 Samuel 1:1

Igwa kaidto nin sarong lalaki na gikan sa tribu ni Efraim, na an ngaran Elkana, na nag-erok sa banwa nin Rama sa mabulod na daga nin Efraim. Si Elkana aking lalaki ni Jeroham na aking lalaki ni Elihu, na aking lalaki ni Tohu, na aking lalaki ni Suf, na sarong Efraimita.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 16:18

Nagsabi an saro kan saiyang mga katabang, “Nahiling kong marahay magtugtog an sarong aking lalaki ni Jesse na taga Betlehem. Saro man siyang maisog asin gwapong lalaki, sarong marahay na soldados, asin marahay magtaram. Yaon saiya an Kagurangnan.”

1 Samuel 17:11

Kan madangog ini ni Saul asin kan saiyang mga tawohan, nanruluya sinda asin nagkatarakot nin makuri.

1 Samuel 17:58

Hinapot siya ni Saul, “Hoben, kiisay kang aki?” “Aki ako kan saimong oripon na si Jesse na taga Betlehem,” an simbag ni David.