1 Samuel 17:11 - Marahay na Bareta Biblia

¹¹ Kan madangog ini ni Saul asin kan saiyang mga tawohan, nanruluya sinda asin nagkatarakot nin makuri.

1 Samuel 17:11 ပူးပေါင်းရင်းမြစ်များ

Salmo 118:6

An Kagurangnan kaapil ko, dai ako matatakot; ano an magigibo nin tawo laban sako?

Salmo 27:1

An Kagurangnan iyo an sakong ilaw asin kaligtasan; siisay an sakong matatakotan? An Kagurangnan iyo an pailihan nin sakong buhay; sa kiisay ako matatakot?

Mga Talinhaga 28:1

Nagdudulag an tampalasan maski mayong naglalamag, alagad an matanos maisog arog sa leon.

Isaias 57:11

Nagsasabi an Kagurangnan, “Siisay an mga dios-dios na ini na natatakotan nindo, kaya nagibo nindong magputik sako asin malingawan ako? Dahelan daw an dai ko paggirong sa halawig na panahon kun kaya dai na nindo ako ginagalangan?

Deuteronomio 31:8

An Kagurangnan mismo an mangengenot asin maiba saimo. Dai ka niya papabayaan, kaya dai ka matakot o manluya an saimong boot.”

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

1 Samuel 13:7

an iba nagbaralyo sa Salog nin Jordan pasiring sa teritoryo nin Gad asin nin Gilead. Idtoon pa si Saul sa Gilgal, asin an mga tawong kairiba niya pinagtatarakigan sa takot.

1 Samuel 17:10

Inaangat ko digdi ngunyan an hukbo nin Israel. Magpili kamo nin sarong lalaking malaban sako!”

1 Samuel 17:12

Si David iyo an aking lalaki ni Jesse na sarong Efratita na taga Betlehem sa Juda. Walo an aking lalaki ni Jesse, asin kan panahon nin paghade ni Saul, gurang na nin marahay si Jesse.

1 Samuel 21:13

Kaya binago niya an saiyang hiro sa atubangan ninda; nagsagin-sagin siyang bua kun pinupugol siya ninda. Nagsusurat siya nin kun ano-ano sa trangkahan kan syudad asin pinabayaan niyang magbulos an saiyang laway sa saiyang barabas.

1 Samuel 7:7

Kan madangog kan mga Filisteo na nagtiripon sa Mizpa an mga Israelita, nagruluwas an limang hade kan mga Filisteo kaiba an saindang mga soldados tanganing salakayon an Israel. Nabaretaan ini kan mga Israelita asin nagkatarakot sinda.