1 Samuel 16:7 - Marahay na Bareta Biblia

⁷ Alagad tinaraman siya nin Kagurangnan, “Dai ka maghiling sa saiyang pagkanigwapo o pagkanihalangkaw, huli ta hinaboan ko siya. Dai ako naghuhukom siring sa paghukom nin tawo. Hinihiling nin tawo an panluwas na porma, alagad an hinihiling ko iyo an puso.”

1 Samuel 16:7 ပူးပေါင်းရင်းမြစ်များ

Genesis 4:5

alagad dai niya inako si Cain saka an dolot kaini. Kaya naanggot nin marahay si Cain asin nagmorosdot siya.

2 Samuel 14:25

Mayo nin siisay man sa Israel na bantog sa kagwapohan ki sa ki Absalom; mayo siya nin kaninan magpoon sa bitis sagkod sa payo.

2 Samuel 7:20

Ano pa an masasabi ko sa saimo? Midbid mo ako, na saimong sorogoon, O Kagurangnan Dios!

1 Mga Hade 8:39

hale sa langit na saimong erokan hinanyoga sinda saka patawada; itao mo an tamang balos sa saindang mga gibo, huli ta ika an nakakaaram kan nasa saindang puso,

1 Mga Cronica 17:18

Ano pa an masasabi ko saimo huli kan ginibo mong pag-omaw sa saimong sorogoon? Midbid mo ako nin marahay.

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 16:9

Binabantayan nin marahay nin Kagurangnan an bilog na daga tanganing pakosogon an mga tawong an puso maimbod saiya. Kalolongan an ginibo mo, kaya poon ngunyan magkakaigwa ka nin mga gera.”

2 Mga Cronica 6:30

hale sa langit na saimong erokan hinanyoga siya asin patawada; itao mo sa lambang saro an maninigo sa saiyang mga gibo, huli ta ika sana an nakakaaram kan nasa puso nin mga tawo;

An Libro ni Job 10:4

Siring daw kan sa tawo an saimong mga mata? An nahihiling mo daw arog kan nahihiling ninda?

An Libro ni Job 35:5

“Hilinga an kalangitan! Masdan mo an mga panganoron, na mas halangkaw ki sa saimo.

Salmo 139:2

Aram mo kun ako minatukaw o minatindog; nababasa mo sa harayo an gabos kong iniisip.

Salmo 7:9

O Dios na matanos, ika na naghuhukom kan samong kaisipan asin kamawotan. Paontoka an karatan kan mga tampalasan; alagad bendisyonan mo an mga banal.

Mga Talinhaga 15:11

An kinaban kan mga gadan bukas sa atubang nin Kagurangnan; gurano pa daw an puso kan mga tawo?

Mga Talinhaga 16:2

Naghohona an tawo na tama an gabos niyang ginigibo, alagad tinitimbang nin Kagurangnan an tunay niyang katuyohan.

Mga Talinhaga 24:12

Pwede kang magsabi, “Dai ako dapat makiaram,” alagad nakakaaram an Dios asin naghuhukom kan nasa saimong puso. Aram iyan kan Dios na nagmamasid saimo. Babalosan ka niya sosog sa saimong ginigibo.

Mga Talinhaga 31:30

Madaya an karinyo asin nawawara an gayon, alagad an babae na may pagkatakot sa Kagurangnan dapat na omawon.

Jeremias 11:20

Dangan namibi ako, “Kagurangnan nin mga hukbo, saro kang matanos na hukom; binabalo mo an puso asin isip nin tawo. Ibinugtak ko an sakong kaso sa saimong kamot; kaya pahilingan sako an pagbalos mo sainda.”

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Jeremias 20:12

Alagad, Kagurangnan nin mga hukbo, matanos mong binabalo an mga tawo; naaaraman mo an nasa saindang mga puso saka isip. Kaya pabayaan mong mahiling ko an pagbalos mo sa sakong mga kaiwal, huli ta ibinugtak ko sa saimong mga kamot an sakong ipinaglalaban.

Lukas 16:15

Alagad sinabihan sinda ni Jesus, “Kamo an mga nagpapakamatanos sa atubang nin mga tawo, alagad aram nin Dios an nasa puso nindo. Huli ta an pinapahalagahan nin mga tawo, ikinakaongis nin Dios.

Juan 7:24

Dai kamo maghukom huli kan nahihiling nindo sa luwas; maghukom kamo nin matanos.”

Juan 8:15

Naghuhukom kamo arog kan paghukom nin tawo. Dai ako naghuhukom sa kiisay man.

Mga Gibo 1:24

Dangan namibi sinda, “Kagurangnan, aram mo an nasa puso kan gabos na tawo. Kaya tukdoan samo kun siisay sa duwang ini an pinili mo

2 Corinto 10:10

May nagsasabi, “An mga surat ni Pablo maisog saka malanit, alagad kun kaiba ta siya, matalaw siya saka mayong halaga an saiyang mga sinasabi!”

2 Corinto 10:7

An mga bagay sana sa luwas an nahihiling nindo. Igwa daw diyan saindo na naghohona na sadiri siya ni Cristo? Kun igwa, isipon niya giraray iyan, huli ta arog saiya, kami man mga tawong sadiri ni Cristo.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

1 Pedro 2:4

Dumolok kamo sa Kagurangnan, sa buhay na gapong isinikwal kan mga tawo, alagad pinili nin Dios bilang mahalaga para saiya.

1 Pedro 3:4

Kundi magkaigwa kamo nin kagayonan na hale sa saindong puso, kaiba an dai mawawarang kayamanan nin sarong mahuyo asin matoninong na espiritu, na iyo an pinakamahalaga sa atubang nin Dios.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

1 Samuel 2:3

Ontoka an saindong kapaabaw-abawan; ontoka an saindong kahambogan. Huli ta an Kagurangnan sarong Dios na nakakaaram, gabos na gibo nin tawo saiyang hinuhukoman.

1 Samuel 9:2

Igwa si Kis nin aking lalaki na an ngaran Saul, sarong gwapong lalaki. Siya an pinakagwapo asin pinakahalangkaw na lalaki sa bilog na Israel.