1 Samuel 16:13 - Marahay na Bareta Biblia

¹³ Kinua ni Samuel an lana nin oliba asin linahidan si David sa atubangan kan saiyang mga tugang na lalaki. Nag-abot tolos ki David an espiritu nin Kagurangnan asin nagdanay saiya magpoon kan aldaw na idto. Dangan nagbalik si Samuel sa Rama.

1 Samuel 16:13 ပူးပေါင်းရင်းမြစ်များ

2 Samuel 12:7

Nagsabi si Natan ki David, “Ika an lalaking idto. Ini an itinaram nin Kagurangnan na Dios nin Israel: ‘Linahidan taka bilang hade nin Israel asin ilinigtas sa kamot ni Saul.

2 Samuel 2:4

Dangan nagduman sa Hebron an kalalakihan kan Juda asin linahidan ninda si David bilang hade nin Juda. Kan maaraman ni David na ilinubong kan mga taga Jabes sa Gilead an bangkay ni Saul,

2 Samuel 23:1

Pinangagin dakula nin Dios si David na aking lalaki ni Jesse. Siya an pinili kan Dios ni Jacob na magin hade asin siya an naggibo nin magayon na mga awit para sa Israel. Ini an mga huring tataramon ni David:

2 Samuel 5:3

Kaya nagduman ki Hadeng David sa Hebron an gabos na kamagurangan nin Israel. Nakipagtipan siya sainda sa atubangan nin Kagurangnan, asin linahidan ninda si David bilang hade nin Israel.

2 Mga Hade 9:6

Nagtindog si Jehu asin nagduman sindang duwa sa laog kan harong; dangan inula kan hoben na propeta an lana sa payo ni Jehu. Sinabihan niya si Jehu, “Ini an sinasabi nin Kagurangnan, Dios nin Israel: ‘Linalahidan taka bilang hade kan banwaan nin Israel.

1 Mga Cronica 11:3

Kaya nagduman ki Hadeng David sa Hebron an gabos na kamagurangan nin Israel. Nakipagtipan siya sa sainda sa atubangan nin Kagurangnan, asin linahidan ninda si David bilang hade nin Israel, siring sa ipinanuga nin Kagurangnan sa paagi ni Samuel.

Salmo 89:20

Ginibo kong hade si David na sakuyang sorogoon, sa paagi nin paglahid saiya kan banal na lana.

Salmo 89:21

An sakuyang kosog magdadanay saiya, an sakuyang kapangyarihan iyo an magpapakosog saiya.

Mga Bilang 11:17

Mahilig ako dangan makikiolay saimo duman. Kukuahon ko an ibang espiritu na itinao ko saimo asin itatao ko sainda tanganing makatabang sinda sa pag-otob mo sa saimong katongdan para sa mga tawong ini; dangan dai ka na magsosolo sa pag-otob kaiyan.

Mga Bilang 27:18

Nagtaram an Kagurangnan ki Moises, “Kuaha si Josue na aking lalaki ni Nun, sarong lalaki na igwa kan espiritu, asin iduta mo an saimong mga kamot sa saiyang payo.

Juan 3:34

Huli ta an sinugo nin Dios nagtataram kan mga tataramon nin Dios; dai sinusukol an pagtao nin Dios kan saiyang Espiritu.

Mga Gibo 13:22

Pakahalea ki Saulo, ginibo nin Dios si David na magin hade ninda. Ini an sinabi nin Dios dapit saiya, ‘Nahiling ko ki David na aki ni Jesse an lalaking oyon sa puso ko. Siya an tawong maotob kan gabos kong kabotan.’

Hebreyo 1:9

Namomoot ka sa katanosan asin naoongis sa karatan; kaya linahidan ka nin Dios, na saimong Dios, kan lana nin kaogmahan orog ki sa ibang mga hade.”

Hebreyo 11:32

Ano pa an sasabihon ko? Kulang an sakong panahon sa pagsaysay dapit ki Gideon, ki Barac, ki Samson, ki Jefte, ki David, ki Samuel saka dapit sa mga propeta.

Hukom 11:29

Dangan uminabot ki Jefta an Espiritu nin Kagurangnan. Naglibot si Jefta sa Gilead asin sa Manases dangan nagbalik sa Mizpa sa Gilead asin nagpadagos sa Ammon.

Hukom 13:25

Nagpoon na siyang hiroon kan Espiritu nin Kagurangnan mantang idtoon siya sa kampo ni Dan sa pagultanan kan Zora saka Estaol.

Hukom 14:6

Biglang pinakosog si Samson kan Espiritu nin Kagurangnan, kaya nagibo niyang baakon kan saiyang kamot an leon na garong sadit sanang kanding. Dai niya inosip sa saiyang mga magurang kun ano an ginibo niya.

Hukom 3:10

Uminabot saiya an Espiritu nin Kagurangnan, asin siya an nagin lider nin Israel. Nakigera siya asin pinapanggana nin Kagurangnan laban sa hade nin Mesopotamia.

1 Samuel 1:19

Sunod na aldaw, nagbangon na amay si Elkana asin an saiyang pamilya dangan nagsamba sa Kagurangnan. Pakatapos, nagpuli sinda sa Rama. Dinorogan ni Elkana an saiyang agom na si Hanna asin sinimbag nin Kagurangnan an saiyang pamibi.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 10:6

Dangan madatong saimo an espiritu nin Kagurangnan, asin masabay ka sainda sa pagpropesiya patin mababago an saimong pagkatawo.

1 Samuel 11:6

Kan madangog ini ni Saul, nag-abot saiya an espiritu nin Dios asin naanggot siya nin marahay.

1 Samuel 16:18

Nagsabi an saro kan saiyang mga katabang, “Nahiling kong marahay magtugtog an sarong aking lalaki ni Jesse na taga Betlehem. Saro man siyang maisog asin gwapong lalaki, sarong marahay na soldados, asin marahay magtaram. Yaon saiya an Kagurangnan.”

1 Samuel 18:12

Natakot si Saul ki David huli ta inibahan si David nin Kagurangnan asin pinabayaan na siya.

1 Samuel 2:35

Mapili ako nin sarong padi na magigin maimbod sako asin magibo kan gabos na ipagboboot ko. Tatawan ko siya nin dakul na aki asin makoapo, na danay na maglilingkod sa atubangan kan pinili kong hade.