1 Samuel 16:11 - Marahay na Bareta Biblia

¹¹ Dangan naghapot si Samuel ki Jesse, “Iyo sana ini an mga aki mo?” Nagsimbag si Jesse, “Igwa pa nin saro; an ngohod, alagad nag-aataman siya kan mga karnero.” “Ipaapod mo siya,” an sabi ni Samuel. “Dai kita madolot kan sakripisyo sagkod na dai siya mag-abot.”

1 Samuel 16:11 ပူးပေါင်းရင်းမြစ်များ

2 Samuel 13:3

Alagad igwa si Amnon nin sarong katood na an ngaran Jonadab, an aking lalaki ni Samma na tugang ni David; tuso nin marahay si Jonadab.

2 Samuel 7:8

“Kaya sabihan mo si David na sakong sorogoon na ako, an Kagurangnan nin mga hukbo, an nagtataram saiya, ‘Kinua taka hale sa pagpastor nin mga karnero sa kaomahan asin ginibo takang hade kan sakong banwaan nin Israel.

1 Mga Cronica 17:7

“Kaya sabihan mo si David na sakong sorogoon na ako, an Kagurangnan nin mga hukbo, an nagtataram saiya, ‘Kinua taka hale sa pagpastor nin mga karnero sa kaomahan asin ginibo takang hade kan sakong banwaan nin Israel.

Exodo 3:1

Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

1 Samuel 16:10

Saro-sarong dinara ni Jesse ki Samuel an pito niyang aking lalaki alagad sinabihan ni Samuel si Jesse, “Bako sinda an napili nin Kagurangnan.”

1 Samuel 17:28

Nadangog ni Eliab, an matuang tugang ni David, na nakikiolay si David sa kalalakihan. Naanggot siya ki David asin nagsabi, “Ano an ginigibo mo digdi? Siisay an winalatan mo kan mga karnero na nasa kalangtadan? Aram ko an nasa isip mo asin an karatan kan puso mo! Nagdigdi ka sana tanganing maghiling kan ralaban!”