1 Samuel 15:28 - Marahay na Bareta Biblia

²⁸ Sinabihan siya ni Samuel, “Pinakit na saimo nin Kagurangnan an kahadean nin Israel ngunyan na aldaw asin itinao na sa sarong lalaking mas marahay ki sa saimo.

1 Samuel 15:28 ပူးပေါင်းရင်းမြစ်များ

2 Samuel 3:18

Uya na an saindong oportunidad. Giromdoma nindo na nagtaram an Kagurangnan, ‘Gagamiton ko an sorogoon kong si David tanganing iligtas an sakong banwaan na Israel sa mga Filisteo asin sa iba pa nindang mga kaiwal.’”

2 Samuel 3:9

Nanuga an Kagurangnan ki David na hahaleon niya an kahadean ki Saul asin sa saiyang kapagarakian dangan gigibohon niyang hade si David sa Israel saka sa Juda, magpoon sa sarong poro kan daga sagkod sa ibong na poro. Ngunyan, gadanon logod ako nin Dios kun dai ko papangyarihon iyan!”

2 Samuel 6:21

Nagsimbag si David, “Nagsayaw ako tanganing sambahon an Kagurangnan, na nagpili sako embes kan saimong ama asin kan saiyang pamilya bilang hade kan bilog na Israel. Masayaw pa ako tanganing sambahon an Kagurangnan,

1 Mga Hade 11:11

Kaya nagtaram an Kagurangnan ki Solomon, “Huli ta dai mo inotob an sakong tipan asin linapas mo an sakong mga pagboot, hahaleon ko saimo an kahadean asin itatao ko sa saro mong opisyal.

1 Mga Cronica 10:14

embes na makihumapot sa Kagurangnan. Kaya ginadan siya nin Kagurangnan, asin an saiyang kahadean itinao ki David na aki ni Jesse.

An Libro ni Job 34:24

Maski mayo nin pagsisiyasat, hinahale niya an mga tawong mapangyari, dangan isinasalihid niya an iba sa lugar ninda.

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Mga Gibo 13:22

Pakahalea ki Saulo, ginibo nin Dios si David na magin hade ninda. Ini an sinabi nin Dios dapit saiya, ‘Nahiling ko ki David na aki ni Jesse an lalaking oyon sa puso ko. Siya an tawong maotob kan gabos kong kabotan.’

Roma 13:1

Dapat magpasakop an siisay man sa mga namamayo kan gobyerno, huli ta mayong awtoridad na bakong tugot nin Dios. An mga awtoridad sa ngunyan na panahon ibinugtak nin Dios.

1 Samuel 13:14

Alagad dai na madanay an saimong kahadean; sinuhay mo an Kagurangnan, kaya mahanap siya nin lalaking naooyonan niya na gigibohon niyang hade kan saiyang banwaan.”

1 Samuel 16:12

Kaya ipinaapod siya ni Jesse. Gwapo siyang lalaki, hoben, mabaskog asin magayon an mga mata. Tinaraman nin Kagurangnan si Samuel, “Tindog, lahidan mo siya, huli ta iyo na siya.”

1 Samuel 18:8

Dai ini nagustohan ni Saul, asin naanggot siya nin marahay. Nagsabi siya, “Ipinanongod ninda ki David an manampolong ribo, alagad rinibo sana sako. Ano pa an sunod na ipapanongod ninda saiya kundi an kahadean!”

1 Samuel 25:30

Kun gibohon na an mga bagay na ini nin Kagurangnan na ipinanuga niya saimo, asin kun gibohon ka na niyang hade nin Israel,