1 Samuel 15:26 - Marahay na Bareta Biblia

²⁶ “Dai ako maiba sa pagbalik mo,” an simbag ni Samuel. “Isinikwal mo an kabotan nin Kagurangnan, kaya isinikwal ka man niya bilang hade nin Israel.”

1 Samuel 15:26 ပူးပေါင်းရင်းမြစ်များ

Genesis 42:38

Alagad nagsimbag si Jacob, “Dai nindo pwedeng ipag-iba an aki ko; huli ta gadan na an tugang niya asin siya na sana an natatada. Tibaad may mangyari saiya sa dalan. Gurang na ako asin an kamondoan na dadarahon nindo sako iyo an magadan sako.”

2 Samuel 12:9

Tadaw ta sinuhay mo an sakong mga pagboot? Tadaw ta ginibo mo an karatan na ini? Ipinagadan mo sa ralaban si Urias na Heteo; pinabayaan mo siyang magadan kan mga Ammonita dangan kinua mo an saiyang agom!

2 Samuel 7:15

Alagad dai ko hahaleon saiya an sakong tabang, bakong arog kan ginibo ko ki Saul, na sakong hinale tanganing ika an magin hade.

Jeremias 6:19

Paghinanyog, kinaban! An mga tawong ini dadarahan ko nin karatan, na bunga kan saindang mga plano; huli ta dai ninda dinangog an sakong mga tataramon asin isinikwal ninda an sakong katogonan.

Oseas 13:11

Sa kaanggotan, tinawan ko kamo nin mga hade, asin sa labi-labi kong kaanggotan hinale ko sinda.

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Mga Gibo 13:22

Pakahalea ki Saulo, ginibo nin Dios si David na magin hade ninda. Ini an sinabi nin Dios dapit saiya, ‘Nahiling ko ki David na aki ni Jesse an lalaking oyon sa puso ko. Siya an tawong maotob kan gabos kong kabotan.’

2 Juan 1:11

Huli ta an siisay man na magkomusta sa tawong iyan makakadamay man sa maraot na ginigibo niya.

1 Samuel 13:14

Alagad dai na madanay an saimong kahadean; sinuhay mo an Kagurangnan, kaya mahanap siya nin lalaking naooyonan niya na gigibohon niyang hade kan saiyang banwaan.”

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”

1 Samuel 15:31

Kaya nag-iba si Samuel ki Saul pasiring sa Gilgal, asin nagsamba si Saul sa Kagurangnan.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.

1 Samuel 28:18

Linapas mo an pagboot nin Kagurangnan asin dai mo kinuyog an saiyang tingog; dai mo ginadan an gabos na Amalekita, kaya ginibo na saimo nin Kagurangnan an bagay na ini ngunyan na aldaw.