1 Samuel 15:23 - Marahay na Bareta Biblia

²³ Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”

1 Samuel 15:23 ပူးပေါင်းရင်းမြစ်များ

Genesis 31:19

Mayo duman si Laban huli ta ginuguntingan niya an saiyang mga karnero, kaya nahabon ni Rachel an saiyang mga dios-dios.

Genesis 31:34

Kinua na palan ni Rachel an mga dios-dios ni Laban, itinago sa kamadero kan kamelyo asin tinukawan an mga ini. Naghanap si Laban kan saiyang mga dios-dios sa bilog na tolda, alagad dai niya nakua duman.

2 Samuel 12:9

Tadaw ta sinuhay mo an sakong mga pagboot? Tadaw ta ginibo mo an karatan na ini? Ipinagadan mo sa ralaban si Urias na Heteo; pinabayaan mo siyang magadan kan mga Ammonita dangan kinua mo an saiyang agom!

2 Samuel 7:15

Alagad dai ko hahaleon saiya an sakong tabang, bakong arog kan ginibo ko ki Saul, na sakong hinale tanganing ika an magin hade.

1 Mga Cronica 10:13

Nagadan si Saul huli ta dai siya nagin maimbod sa Kagurangnan. Linapas niya an mga pagboot nin Kagurangnan; nakihumapot siya sa sarong espiritista sa paghagad nin kapaliwanagan,

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

An Libro ni Job 34:37

Huli ta an saiyang kasalan dinadagdagan niya nin pagtumang; pinag-olog-olog niya an Dios sa satong atubang.”

Salmo 107:11

dahel sa dai pagkuyog sa mga pagboot nin Dios, asin pagsikwal kan mga hatol nin Kahorohalangkawe.

Exodo 22:18

“Dai nindo pagtugotan na mabuhay an babaeng mangkukulam.

Isaias 19:3

Dai ko papangyarihon an mga plano kan mga Egipcio asin hahaleon ko an saindang kosog nin boot. Makikihumapot sinda sa mga ladawan, sa mga parakulam, sa mga nakikihumapot sa mga gadan asin sa mga salamangkero.

Isaias 8:19

Alagad sasabihan kamo kan mga tawo na maghagad nin mga mensahe sa mga parahula saka mga nakikiolay sa mga gadan na naghuhuni asin nagugumodgumod. Masabi sinda, “Kaipuhan makihumapot an mga tawo sa mga espiritu asin maghapot sa gadan para sa mga buhay pa.”

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 28:16

Kaya nagsasabi mismo an Kagurangnan na hahaleon ka niya sa ibabaw kan daga. Sa taon na ini magagadan ka huli ta tinaraman mo an mga tawo na magrebelde sa Kagurangnan.”

Oseas 13:11

Sa kaanggotan, tinawan ko kamo nin mga hade, asin sa labi-labi kong kaanggotan hinale ko sinda.

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Levitico 20:27

“An siisay man na lalaki o babaeng magkonsulta sa espiritu kan mga gadan, gagapoon sagkod na magadan; siya an responsable kan saiyang kagadanan.”

Levitico 20:6

“An siisay man na magduman sa mga espiritista asin maghagad sainda nin hatol, magigin kaiwal ko asin dai ko na ibibilang na kaayon sa sakuyang banwaan.

Mga Bilang 14:9

Dai kamo magtumang sa Kagurangnan. Dai man kamo matakot sa mga nag-eerok duman huli ta madali ta sindang madaog. Kaiba ta an Kagurangnan asin nadaog na niya an mga dios-dios na nagsusurog sainda; kaya dai kamo matakot.”

Mga Gibo 13:22

Pakahalea ki Saulo, ginibo nin Dios si David na magin hade ninda. Ini an sinabi nin Dios dapit saiya, ‘Nahiling ko ki David na aki ni Jesse an lalaking oyon sa puso ko. Siya an tawong maotob kan gabos kong kabotan.’

2 Corinto 6:16

Paanong magkaoyon an templo nin Dios asin an mga dios-dios? Huli ta kita iyo an templo kan Dios na buhay! Siring sa sinabi nin Dios, “Mag-eerok ako sainda asin maglalakaw sa kaibahan ninda; ako an magigin Dios ninda, sinda an magigin banwaan ko.”

Galacia 5:20

pagsamba sa mga dios-dios, pagtubod sa kulam, pag-iriwal, karibokan, pag-imon, aranggotan, pagkamaimot, pagkabaranga, pag-apil sa partido o grupo;

Deuteronomio 9:24

Magpoon na mamidbid ko kamo, nagin matumang na kamo sa Kagurangnan.

Deuteronomio 9:7

“Giromdoma nindo kun paano nindo pinaanggot an Kagurangnan na saindong Dios duman sa kalangtadan. Tinumangan nindo siya poon na maghale kamo sa Egipto sagkod na makaabot digdi.

Josue 22:15

Nakaabot sinda sa Gilead, sa mga tribu ni Ruben, Gad, saka ni Manases sa sirangan.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.

1 Samuel 13:14

Alagad dai na madanay an saimong kahadean; sinuhay mo an Kagurangnan, kaya mahanap siya nin lalaking naooyonan niya na gigibohon niyang hade kan saiyang banwaan.”

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.

1 Samuel 28:3

Gadan na kaidto si Samuel, asin nagmondo an gabos na Israelita para saiya; ilinubong siya ninda sa Rama na sadiri niyang banwa. Pinahale na kaidto ni Saul sa Israel an gabos na espiritista asin parahula.